Two Much (euskaraz Gehiegi) 1995eko Fernando Trueba espainiar zinema zuzendari eta gidoigileak zuzendu eta idatzitzako amodiozko komedia film bat da. Donald E. Westlake estatubatuar idazlearen izenburu berdineko Two Much eleberrian eta 1984an Yves Robert frantziar zuzendariak zuzendutako Le jumeau ("Bikia") filmean oinarritua dago. Antonio Banderas, Melanie Griffith, Daryl Hannah, Danny Aiello, Joan Cusack eta Eli Wallach aktoreek antzeztu zuten.
Banderasek bere antzezpenarengatik Goya Sarietarako izendapen bat jaso zuen.
Argumentua
Oharra: Atal honek istorio osoa edo amaiera argitzen du.
Miami Beachen, Art Dodge (Antonio Banderas) arte galerista lotsagabea ezagutu berri duen emakume batekin (Melanie Griffith) ezkontzeko hitzemateaz gain, haren ahizpaz (Daryl Hannah) ere maiteminduko da. Bietan zein aukeratu erabakitzeko gai ez denez, biak berarekin gustura geldi daitezen anai biki bat asmatu eta bere nortasuna bikoiztuko du. Bitartean, bere emaztegaiaren senar ohiak (Danny Aiello) jazarpena egingo dio, bere emazte ohiari atsekaberen bat emanez gero hilko duelako mehatxua luzatu dion mafia gizon bat.
Aktoreak
Kanpo estekak
