Tsugaruko itsasartea
Datu orokorrak
Mota	itsasarte
Sakonera	200 m
Eponimoa	Tsugaru region (en)
Geografia
Koordenatuak	41°20′00″N 140°20′00″E / 41.33333°N 140.33333°E / 41.33333; 140.33333
Honen parte da	Japoniako itsasoa
Estatu burujabe	Japonia
Japoniako prefekturak	Hokkaido
Hidrografia
Betebidea	ikusi Kameda River (en) Matsukura River (en) Q17210350 Shiriuchi River (Hokkaido) (en) Q11545566

Tsugaruko itsasartea (japonieraz: 津軽海峡, Tsugaru Kaikyō^?) Japoniako itsasartea da Honshu eta Hokkaido uharteak banatzen dituena. Aldi berean Japoniako itsasoa eta Ozeano Barea lotzen ditu.

Hegoaldeko Tsugaru penintsulak ematen dio izena, iparraldean Matsumae penintsula dago. 20 kilometro inguruko tartea dago eta bataz besteko 140 metrotako sakonera dauka.

Ferriak izan dira itsasartea zeharkatzeko bide bakarra harik eta 1954ean Tōya Maru ferria urperatu eta 1.172 pertsona hil ziren arte. Orduan ur-azpiko tunela eraikitzea erabaki zen eta 1988an Seikan tunela inauguratu zuten.

Oraindik ere ferri zerbitzuak jarraitzen du, erabiliena Hakodate eta Aomoriren artekoa da.

Thomas Blakiston esploratzaile eta naturalista britainiarrak zehaztu zuen Hokkaidoko espezieak Asia iparraldekoen antz handia zutela eta Honshukoen berriz Asia hegoaldekoen antza. Horrela beraz Tsugaruko itsasartea eremu zoogeografikoaren muga kontsideratzen da eta bere omenez Blakiston lerroa izenaz ezagutzen da biogeografia mailan.

Itsasartean Japoniarrek hiru itsas miliako uren jabetza dauka, ez ohiko 12 miliak, Estatu Batuetako Armadaren gerra untzi nuklearrak pasa ahal izateko, Japoniako nuklearren debekuarekin topo egin gabe.

• 
  Tappi Misaki lurmuturra (Aomori prefetura).
• 
  Hakodateko badia.
• 
  Estatu Batuetako gerrauntziak.
• 
  Virgo ferria.
• 
  Seikan tunelaren profila.