Than Shwe
(2010) Irudi gehiago
Myanmargo lehen ministro 1992ko apirilaren 23a - 2003ko abuztuaren 25a ← Saw Maung - Khin Nyunt (en) → Myanmargo presidente 1992ko apirilaren 23a - 2011ko martxoaren 30a ← Saw Maung - Thein Sein (en) → Commander-in-Chief of Defence Services (en) 1992ko apirilaren 23a - 2011ko martxoaren 30a ← Saw Maung - Min Aung Hlaing → State Peace and Development Council (en) 1992ko apirilaren 23a - 2011ko martxoaren 30a ← Saw Maung - Thein Sein (en) →
Bizitza
Jaiotza	Kyaukse (en) , 1933ko otsailaren 2a (93 urte)
Herrialdea	Myanmar
Bizilekua	Myanmar Naypyidaw Yangon
Talde etnikoa	Bamarra
Lehen hizkuntza	Birmaniera
Familia
Ezkontidea(k)	Kyaing Kyaing (en)
Seme-alabak	ikusi Kyi Kyi Shwe Thandar Shwe Kyaing San Shwe Tun Naing Shwe
Hezkuntza
Heziketa	Officers Training School, Bahtoo (en) M.V. Frunze Akademia Militarra
Hizkuntzak	Birmaniera
Jarduerak
Jarduerak	politikaria, militarra, ofizierra, buruzagi militarra eta gobernuburua
Lan nabarmenak	ikusi Uppatasanti Pagoda (en) Naypyidaw
Jasotako sariak	ikusi Order of Burma
Kidetza	State Peace and Development Council (en)
Zerbitzu militarra
Adar militarra	Myanmar Army (en)
Gradua	Senior General (en) jeneral
Ideologia eta sinesmenak
Erlijioa	Theravada budismoa
Alderdi politikoa	State Peace and Development Council (en) Union Solidarity and Development Association (en) Burma Socialist Programme Party (en)

Than Shwe (birmanieraz: သန်းရွှေ; θáɰ̃ ʃwè ahoskatua; Kyaukse, Britainiar Raj, 1933ko otsailaren 2a) birmaniar militar eta politikaria da. Myanmarkoko armadako jenerala izan zen, eta Myanmarko estatuburua izan zen 1992tik 2011ra.

Armadan izena eman zuen hogei urterekin, eta kapitain mailara igo zen 1960an. 1962ko estatu-kolpearen ondoren, postu garrantzitsuak hartu zituen armadan, eta koronel izatera iritsi zen 1978an. 1985ean, Defentsako ministrorde izatera iritsi zen, eta, aldi berean, jeneral izendatu zuten.

1988ko irailaren 18ko estatu-kolpearen ondoren, eta Estatuaren Legea eta Ordena Berrezartzeko Kontseiluaren izenpean Junta Militarra eratu ondoren, Shwe bertako 21 kideetako bat izatera igaro zen. 1992ko apirilaren 23an Estatuko Buruzagitzara eta Indar Armatuetako Komandante Buru izatera igo zen.

Birmaniako Estatuaren izena Myanmarrera aldatu zuen eta kutsu demokratikoa zuen konstituzio berri bat idazteko prozesuari ekin zion, baina, egia esan, diktadura iraunaraztea ahalbidetu zuen eta Demokraziaren aldeko Liga Nazionalari (LND) eta Birmaniako presidente hautatu Aung San Suu Kyiri herrialdea gobernatzea eragotzi zien. Aldi berean, bere herrialdea nazioarteko erakundeekin adiskidetu zuen, hala nola ASEANekin, eta erabaki zuen Gurutze Gorriak berriro herrialdean jardun ahal izatea eta, Amnistia Internazionalarekin batera, giza eskubideen egoerari buruzko txostenak egitea. Gutxiengo etniko eta erlijiosoen eta demokraziaren alde manifestatzen den edozein herritarren aurkako errepresio handiko diktadura estiloa garatzen du, gutxienez 250.000 desplazatu eta oposizioko liderrak eta kazetariak atxilotzea eraginez.

2007ko abuztuan eta irailean, monje budistek gidatutako herri-altxamendu bat gertatu zen diktaduraren aurka, Azafrai Iraultza izenekoa. Junta militarra 2011ko martxoaren 30ean desegin zen ofizialki, gobernu berria inauguratu zutenean.^[1][2]