PROFILPELAJAR.COM

Susy Shock

Susy Shock

Bizitza
JaiotzaBuenos Aires, 1968ko abenduaren 6a (57 urte)
Herrialdea Argentina
Hezkuntza
Hizkuntzakgaztelania
Jarduerak
Jarduerakidazlea, olerkaria, egile abeslaria, aktorea, prosalaria eta editorea
susyshock.com.ar
IMDB: nm8429501 Bandcamp: susyshock Edit the value on Wikidata

Susy Shock (Buenos Aires, Argentina, 1968ko abenduaren 6a) argentinar aktore, idazle, konpositore, abeslari eta irakaslea da. «Artista trans sudaka» gisa aitortzen du bere burua.[1][2][3]

Bizitza

Balvanera auzoan jaio zen, Buenos Aires hiriko erdigunean, aita pampearra eta ama tucumarra zituen.[1]

Txikitatik bertako musikarekin, tangoarekin eta folklorearekin lotu zen, eta poesia eta antzerkiaren bidez iritsi zen horietara.[3]

Aktibismoa

Futuro Trans Elkarte Zibila Marlene Wayarrek sortutako erakundeko kidea da.

Genero Identitatearen Legearen aldeko Fronte Nazionaleko kide izan zen, hamabost erakunde baino gehiagoren arteko aliantza bat, eta lege bat bultzatu zuten nazio mailan. Lege horrek dokumentu pertsonal guztiak bizi izandako genero-identitatearekin bat datozela bermatuko zukeen legea zen eta pertsonek aukeratutako izena bermatu beharko zuen, bai eta gorputzaren gaineko ebakuntzak eskatzen zituztenek tratamendu medikoak jasotzeko aukera izatea.

Genero Identitatearen Legea Argentinako parlamentuak onartu zuen 2012ko maiatzaren 9an, eta Cristina Fernández de Kirchner presidenteak iragarri zuen handik egun gutxira. Nazioartean, arlo horretako lege aurreratuenetako bat izan zen.

Ibilbide artistikoa

Susy Shock 'La Loreta/Pibe roto' ipuin liburua aurkezten, Le Parc espazioan. Mendoza, 2025eko uztailaren 19a, larunbata.

2011n Poemario trans pirado y Relatos en Canecalón (Buenos Aires: Nuevos Tiempos) argitaratu zituen. Argentinako Página/12 egunkariaren Soy gehigarrian zutabeak idatzi zituen; gehigarri horretan aniztasun sexualari buruzko gaiak lantzen ziren.[4][5]

Hainbat kultur aldizkaritan kolaboratu zuen: Caja Muda (Cordobako Unibertsitate Nazionalekoa), Waska, Queer ArtZine (edizio independentekoa), Ají, Ushuaiakoa (Recontra Picante Edizioak, AJI kolektibokoa) eta Revista Colada (edizio independentekoa).

Bere testuetako batzuk Alterarte-S-tudios Edizioen La bombacha apretaba sus testículos bildumaren parte izan ziren (edizio independentea). Argentinan eta Latinoamerikan zehar birak egin zituen Poemario trans pirado poesia errezitaldiarekin.

Klitoris aldizkariaren 1. zenbakian (2011) Susy Shock eta Ruben Gaunaren «SuperShiva» kontakizuna argitaratu zen. AV Comics blog espezializatuaren arabera, «intolerantzia bikoitz bati aurre egiten dion etorkin trabesti baten istorioa kontatzen du. Kontakizunak "isilpeko identitatea" izan behar duten superheroien bizitza bikoitzarekiko analogia gisa erakusten du. Hori da, azken finean, protagonistari gertatzen zaiona». Foiletoi eleberri bat ere idatzi zuen —Maten al Mensajerok argitaratua—, La Loreta izenekoa. Susyk hilero hainbat zutabe idatzi zituen MU Aldizkarian (Lavaca kooperatibarena). 2013an Crianzas irrati zikloa jarri zuen martxan, Lavaca Kooperatibak ekoitzia, eta 2020an mikroprograma poetiko trabestiak sortu zituen Radio Nacional Rockentzat (FM 93.7).[6]

Lanak

Liburuak

  • Revuelo sur (poema bilduma), Buenos Aires: Nuevos Tiempos, 2007.[7]
  • Poemario Trans Pirado, Enrique Gurpeguiren ilustrazioak eta Marlene Wayarren hitzaurrea. Buenos Aires: Nuevos Tiempos, 2011. ISBN 978-987-1399-25-3.
  • Relatos en Canecalón, Fernando Noy-en hitzaurrea. Buenos Aires: Nuevos Tiempos, 2011. ISBN 978-987-1399-26-0.
  • Crianzas, Anahí Bazán Jararen ilustrazioak eta Marlene Wayar eta Claudia Acuñaren hitzaurreak. Buenos Aires: Muchas Nueces Argitaletxea, 2016. ISBN 978-987-45857-3-8.
  • Hojarascas, "M.A.f.I.A."-ren argazkiak. Buenos Aires: Muchas Nueces Argitaletxea, 2017. ISBN 978-987-45857-7-6.
  • Realidades, poesia Fernando Noy eta León Ferrariren ilustrazioekin. Buenos Aires: Muchas Nueces Argitaletxea. 2020, ISBN 978-47578-8-3[8]
  • Teatraria, lehen edizio zabaldua , INTeatro Argitaletxea, Antzerkiaren Institutu Nazionala, Mina Bevacqua Arteetako doktorearen hitzaurrea , EL PAIS TEATRAL, 2021, ISBN 978-987-3811-66-1.
Susy Latinoamerikako Emakume Idazleen Solasaldi eta irakurketetan, Marlene Wayar, Iki Yos eta Claudia Rodriguezekin batera. 2024ko apirila

Nazioarteko argitalpenak

Susy Shock-i buruzko liburuak

  • Deformances. Destellos de una cartografía teatral desobediente, Mina Bevacqua, Buenos Aires: Libretto, 2020, ISBN 978-987-47048-4-9.
  • Antiprincesa Susy Shock, Nadia Fink eta Pitu Saá, Buenos Aires: Chirimbote, 2018, ISBN 978-987-42-5955-4

Filmografia

2010ean Mía filmean parte hartu zuen.

2013an Andrea. Un melodrama rioplatense filmaren protagonista izan zen, Édgar De Santok zuzendutakoa. Filma nazioarteko hainbat jaialditan aurkeztu zen 2014an: besteak beste, Torontoko Pink Latino Zinemaldian eta Rio de Janeiroko Gay Zinemaldian.[9][10][11]

2016an Jada Sirkinen Escenas de una fiesta rota filmean parte hartu zuen.

2016an Deconstrucción, crónicas de Susy Shock estreinatu zuen, Sofia Biancok zuzenduta. Filmak hainbat sari jaso zituen: soinu bandarik onenaren saria Primeiro Plano Juiz de Fora Jaialdian, Brasilen; Estatuko Film Labur Onena eta publikoaren saria Queer de la Plata Jaialdian, Argentinan; aipamen berezia Soria Jaialdian Buenos Airesen, eta XII MARFICIn Mar del Platan. Horrez gain, Latinoamerika eta Europako jaialdietan bira egin zuen.

2022an, hainbat ikus-entzunezko ekoizpenetako protagonista izan zen, horietako bat Lulú Mansillarekin batera egin zuen Nube, Yo, mi primer obra de arte MU LA VACA.ORG [1] kooperatibarekin koproduzioan. 2022an egindako Revelados en blanco y negro miniserian parte hartu zuen, Federico Palazzok zuzenduta. Zuzendari horrekin Diente de León ere egin zuen.[12][13]

2023an Cristian Jure zuzendariren Mamá Frida telesailean parte hartu zuen.[14]

Diskografia

2014ko azaroan, Buena vida y poco vergüenza izeneko lehen diskoa argitaratu zuen eta bira bat hasi zuen herrialdean eta Latinoamerikan.[15]

2019an Milonga Queer kaleratu zuen, Traviarca ere editatu zuen Colibríes Bandarekin batera eta bira bat hasi zuen Europan zehar, Carlos Gardel sarietan Disko kontzeptual onena kategorian izendapena jaso zuen.

2024an, Revuelo Sur: Tangos, milongas y rioplateadas argitaratu zen, Colibríes Bandarekin batera egindako beste argitalpen bat.[16][17]

Irratia

2021ean, “La Cotorral, voces travas, voces disidentes” irrati saioa gidatzen zuen, Radio Nacional Rockekn astero emititzen zen (astelehenetan, 12:00etatik 13:00etara), Marlene Wayar eta Pauli Garnierrekin batera.

2022an, “Brotecitos, otro serà el cantar” gidatzen zuen, Radio Nacional Folklóricak astean behin (asteazkenetan, 19:00etatik 21:00etara) emititzen zuen saioa, Valen Bonetto eta La Fernirekin batera.

Aintzatespenak eta sariak

2014ko apirilaren 29an, Buenos Aires Hiri Autonomoko Legegintzaldiak Poemario TRANSpirado poema-liburua saritu zuen, Giza Eskubideak sustatzeko eta defendatzeko interesekotzat jotzen baitzuten.[18][19][20]

2015eko abenduan aipamen berezia jaso zuen "Con mi carro voy" kantuagatik 2011-2014ko Tango eta Folklore Sari Nazionalean.

2017ko azaroan, Emakumeen Agenda Fundazioak urtero ematen duen generoaren aintzatespena jaso zuen.[21]

2022ko azaroan, Uruguaiko Ekialdeko Errepublikako Montevideo Hiriko Herritar Ospetsua izendatu zuten.

Bizitza pribatua

Susy Shockek alaba bat du, 1991n jaiotakoa.[22]

Erreferentziak

  1. ↑ a b (Gaztelaniaz) Ortelli, Micaela. (2013ko ekainaren 23a). ««Susy Shock, artista de la diversidad. Transpirando la camiseta»» www.pagina12.com.ar (Página/12, Radar egunkaria) (kontsulta data: 2026-01-18).
  2. ↑ «6 de diciembre: ¡último “Poemario transpirado” del año en Buenos Aires, y cumpleaños!», artículo de diciembre de en el perfil de Facebook de Susy Shock.. Susy Shock-en Facebook.
  3. ↑ a b (Gaztelaniaz) ««Saber que la lucha es cruel y es mucha» Susy Shock: el tango, la fuerza y la vida» ANRed (kontsulta data: 2026-01-18).
  4. ↑ ««Arte dramático»» www.pagina12.com.ar (Página/12 egunkaria, Soy) (kontsulta data: 2026-01-18).
  5. ↑ ««Pelos de punta»» www.pagina12.com.ar (Página/12 egunkaria, Soy) (kontsulta data: 2026-01-18).
  6. ↑ (Gaztelaniaz) «Mujeres de lápiz tomar» Cuadritos, periodismo de historieta 2011-11-11 (kontsulta data: 2026-01-18).
  7. ↑ «Libro de actas» del Primer Coloquio Internacional «Saberes contemporáneos desde la diversidad sexual. Teoría, crítica, praxis», Facultad de Humanidades y Artes de la Universidad de Rosario.. .
  8. ↑ (Gaztelaniaz) "Realidades": toda la poesía de Susy Shock, en un solo libro editado por Muchas Nueces - lavaca. 2020-11-04 (kontsulta data: 2026-01-18).
  9. ↑ (Gaztelaniaz) ««El colibrí canta hasta morir»» www.pagina12.com.ar (Página/12 egunkaria, Soy) (kontsulta data: 2026-01-18).
  10. ↑ (Gaztelaniaz) [email protected]. (2014-04-03). «“Andrea te mete la mano en la bragueta”» Revista Furias (kontsulta data: 2026-01-18).
  11. ↑ (Gaztelaniaz) ««Hombre orquesta»» www.pagina12.com.ar (Página/12 egunkaria, Soy) (kontsulta data: 2026-01-18).
  12. ↑ (Gaztelaniaz) «SERIES / CINE» 1010mentecolectiva (kontsulta data: 2026-01-18).
  13. ↑ «6 de diciembre: ¡último “Poemario transpirado” del año en Buenos Aires, y cumpleaños!», artículo de diciembre de 2013 en el perfil de Facebook de Susy Shock.
  14. ↑ «Catálogo FICPBA». .
  15. ↑ (Gaztelaniaz) «MÚSICA//ENTREVISTA. Susy Shock presenta: “Buena vida y poca vergüenza”» La Izquierda Diario - Red internacional (kontsulta data: 2026-01-18).
  16. ↑ (Gaztelaniaz) Re-vuelos: nuevo disco de Susy Shock y La Bandada de Colibríes - lavaca. 2024-10-02 (kontsulta data: 2026-01-18).
  17. ↑ (Gaztelaniaz) Aguilar, Sandra. (2024-08-28). «"El tango permite explorar el dramatismo y el desgarro"» Página|12 (kontsulta data: 2026-01-18).
  18. ↑ ««Dirección General de Protocolo y Ceremonial - Agenda de Actividades (28/04/2014 al 02/05/2014)» de la Legislatura de la Ciudad Autónoma de Buenos Aires» legislatura.gov.ar (kontsulta data: 2026-01-18).
  19. ↑ «"Poemario TRANSpirado" de Susy Shock en Legislatura de la Ciudad Autónoma de Buenos» ramona (kontsulta data: 2026-01-18).
  20. ↑ «"Poemario TRANSpirado" de Susy Shock en Legislatura de la Ciudad Autónoma de Buenos» ramona (kontsulta data: 2026-01-18).
  21. ↑ (Gaztelaniaz) Carbajal, Mariana. (2017-12-01). «Mujeres mapuches en Agenda» Página|12 (kontsulta data: 2026-01-18).
  22. ↑ (Gaztelaniaz) ««Susy Shock: bizarra noche y día»» www.pagina12.com.ar (Página/12 egunkaria, Soy) (kontsulta data: 2026-01-18).

Kanpo estekak

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.