Somasjärvi aintzira Somasjärvi (fi) / Somájávri (no) / Somášjávri (se)
Datu orokorrak
Garaiera	730 m
Mota	aintzira eta lake or pond (en)
Azalera	2,7497 km²
Geografia
Koordenatuak	69°17′19″N 21°31′43″E / 69.28866°N 21.52848°E / 69.28866; 21.52848
Estatu burujabe	Norvegia
Norvegiaren banaketa administratiboa	Troms
Municipality of Norway	Nordreisa
Hidrografia
Hustubidea	Valtijoki ibaia
Arroaren azalera	79,96 km²
Arro hidrografikoa	Torne river basin (en)

Somájávri, Somasjärvi edo Somášjávri aintzira Finlandia eta Norvegia artean dagoen aintzira bat da; Enontekiö eta Kautokeino udalerrien artean, hain zuzen. Alde finlandiarrean aintziraren %65a dago (1,75 km²) eta norvegiarrean aldiz, gainontzekoa. Enontekiön iparren dagoen aintzira da, eta Käsivarsi Eremu Basatian dago, Lappi osoko hegazti-espezie ugarienak aurki daitezkeen eremu basatian, hain zuzen; aliota txikiak, antzara nanoak, belatz handiak, elur-hontzak, eskandinaviako lagopodoak, ipar-belatzak, ipar-kaskabeltzak, laponiako kaskabeltzak, marikoi isats-luzeak, negu txontak eta papourdinak dira, esaterako, aintzira inguruan aurki daitezkeen hegazti-espezie batzuk. Inguruko baldintza latzei probetxu ateratzea lortu duten animalia ugari dago ere; hala nola, azeri zuri eta gorriak, elur-oreinak, erbinude zuriak, eskandinaviako lagopodo eta lursaguak, ipar-katamotzak, jatunak, mendi lemingak, lursagu txikiak eta tundrako satorrak ^[1].

Uda partean iristen diren beste ohiko biztanle batzuk hartz arreak eta otsoak dira.

Pitsusjärvi aintzira, Halti muinoa eta Pitsusköngäs ur-jauzia Somasjärviren bizilagun nagusiak dira. Zuzenean Eskandinaviako mendietatik datorren [urak betetzen du aintzira; bestalde, ura, Valtijoki ibaiaren bitartez kanporatzen da. Gutxi gorabehera, azarotik ekainera izoztua egon ohi da aintzira.

Aintzira oso ezaguna da arrantza munduan; izan ere, bertan, amuarrain marroi eta laponiako amuarrain artiko handienak arrantzatzera uda partean etorri ohi diren arrantzaleen kopurua handia da.

Enontekiöko aintzira garrantzitsuenak

Ailakkajärvi • Guoskatjávri • Iso Salankijärvi • Iso Leveä • Kalaton • Kalatonjärvi • Kaura Kelottijärvi • Ketojärvi • Kilpisjärvi • Kivijarvi • Lijankijärvi • Marsujärvi • Marttajärvi • Melajärvi Muotkajärvi • Näkkäläjärvi • Ounasjärvi • Palojärvi • Pasmajärvi • Peerajärvi • Peltojärvi Periläjärvi • Pitsusjärvi • Pöyrisjärvi • Riimmajávri • Salttijärvi • Seitavuopio • Somasjärvi Sotkajärvi • Termisjärvi • Tuolpajärvi • Tuorkottajärvi • Vuomajärvet • Vuontisjärvi • Ylimmäinen