Simona Calleja Aguado (Cabanillas, Nafarroa Garaia, 1918 - Valtierra, Nafarroa Garaia, 1936ko abuztuaren 18a) etxekoandrea eta Espainiako Alderdi Komunistako kidea izan zen. 1936ko Gerra Zibilean fusilatu zuten.[1][2][3][4]
Bizitza
Simona Cabanillasen bizi zen bere guraso eta neba-arrebekin. Aita Alfonso Calleja zen, ama berriz, Felisa Aguado Sainz. Gerra Zibila piztu zenean errepresioa jasan zuen. Cabanillasko kartzelan egon zen preso, kazkamotz utzi zuten eta sexu erasoak jaso zituen, behin eta berriz bortxatu zuten, auzokideak Simonaren oihu ikaragarriak entzun zituzten. Simona neska oso ederra omen zen. Cortesko bi eta Cabanillaskoak zeuden bortxatzaleen artean. Oihuka, aurrez aurre bizi zen Don Carlos parrokoaren laguntza eskatzen omen zuen. Gau osoa oihuka eta txilioka eman omen zuen, "ez iedazue gehiago egin" "ez iedazue gehiago egin" errepikatzen omen zuen. Erail egin zuten agian bortxatzaleen izenik eman ez zezan. 18 urte zituen.[1][5][6]
Heriotza
Bere ama Felisa, 26 urteko neba Procesorekin eta Fustiñanako beste zenbaitzuk batera kamioan sartu eta Valtierra eta Cadreitaren arteko bidean fusilatu zuten, 1936ko abuztuaren 12an.[7] Simonaren osaba Pedro Luis Aguado egun batzuk lehenago fusilatu zuten, 46 urte zituen, ezkonduta zegoen eta sei seme-alabaren aita zen.[1][8][9]
Erreferentziak
Kanpo estekak
