Santa Maria Magdalena Plentziako izen bereko auzoan dagoen eliza da.
1995eko urriaren 17an, Eusko Jaurlaritzak monumentu izendatu zuen, Sailkatutako Kultura Ondasuna.
Deskribapena
Plentziako Maria Magdalena Donearen Eliza, eraikin trinko bat da, sendotasun handikoa eta bere kanpandorreak areagotu egiten du sendotasun hori eta dorre horrek, bere erlijio xedeari, gotorlekuarena ere ematen dio, itsasadar eta portuaren begirale bezala.
Elizaren gorputza hiru nabez osaturik dago, erdikoa, alboetakoak baino zabalagoa da. Bururantz zuzena da eta oinean zurezko korua dauka eta bere artesanatuan Vicente Larrea eskultore bilbotarraren ereduak gauzatzen dira. Estalkia faszikulatutako bere pilare oktogonalen gainean dago, pilarearen aldeak ahurrak direla eta mailak dituen oinarri zilindrikoa duela. Kapitelak poligonalak dira, erregistro bikoitzekoak eta apaingarriz, moldurak, zirkuluak eta zerra-hortzak aurkezten ditu. Eraikin hori, harriz eta zurez aparejatua dago. Harria, fabrikako zati handi batean, harlandua da eta, harri horrek, eraikinaren forma puru eta apaindurarik gabekoarekin batera, gotortutako arkitekturarena den itxura berezia ematen dio.
Erreferentziak
Kanpo estekak