Antzinako Cardo kalea (gaur egungo Llibreteria eta Call kaleak) eta Decumanus kalea (gaur egungo Bisbe/Ciutat/Regomir kaleak) gurutzatzen ziren lekuan kokatzen da, hauek Barcino erromatar koloniaren etorbide nagusiak zirelarik. Bidegurutze honetan foruma eta Augustoren Tenplua aurkitzen ziren, azken honetatik lau zutabe iritsi zaizkigu gugana eta mont Tàber muinoaren gainaldean daude, Paradís kalean.
Enparantza honen izena erdi aroan hemen kokatzen zen Sant Jaume elizari zor zaio. Garai batean ostatua kokatzen zen lekuan gaur egun hiriko kontseilua dago. Tenpluaren aurrealdeko ataria zenean hiriko kontseilua biltzartzen zen, gerora erakunde honen egoitza izango ziren etxe multzoa erosi baino lehen, aldameneko Ciutat kalean. 1823an inausi egin zuten honela Ferran kalea ireki eta gaur egun ezagutzen dugun enparantza sortuz. Nabarmendu beharrekoa ere bada hondakin horiek baino lehen enparantza angeluko toki txiki batera mugatzen zela, eliza berak, Batllia Orokorraren etxeek eta Verguerraren Gorteak gainontzeko lekua betetzen baitzuten.
Historiako zenbait alditan Konstituzio enparantza ere deitua izan zen (Iraultza Liberalean,...), eta udaletxean ezarria dagoen plaka batean izen honek oraindik badirau, baina azkenik iraun zuen izena gaur egungoa izan zen.
