Ruth Ogden

Ruth Ogden
Bizitza
JaiotzaBrooklyn, 1853ko abenduaren 27a
Herrialdea Ameriketako Estatu Batuak
HeriotzaBrooklyn, 1927ko uztailaren 2a (73 urte)
Hezkuntza
Hizkuntzakingelesa
Jarduerak
Jarduerakhaur literaturaren idazlea eta idazlea

Fannie Ogden Ide (Brooklyn, New York, 1853ko abenduaren 27a – ibidem, 1927ko uztailaren 2a[1]), Ruth Ogden izengoitiaz ezagunagoa, estatubatuar haur literaturako idazlea izan zen.

Bizitza

A Little Queen of Hearts (1893) liburuko ilustrazioa

Jonathan Ogden merkatariaren eta Abigail Murphy Ogdenen alaba, Fannie Ogden Brooklynen jaio zen 1853an[1][2]. Bere neba zaharragoa, Robert enpresari aberats bat bihurtu zen[2][3]. Fanniek ikastetxe pribatuetan ikasi zuen eta 1875ean Charles W. Iderekin ezkondu zen. Alaba bat izan zuten, Alice[4][5].

Ruth Ogden izengoitia erabiliz, haurrentzako liburuak idatzi zituen eta aldizkarietan ere kolaboratu zuen, ipuinak eta poemak idatziz[5]. Bere liburuetako hainbat, hala nola, A Loyal Little Red-Coat (1890) eta Loyal Hearts and True (1899), gertakari historikoetan oinarritzen dira neurri batean[4]. Kritikariek «xarmagarri» hitza erabili ohi zuten bere liburuak deskribatzeko, eta kritikari batek «tonuaren garbitasuna, espirituaren bizitasuna eta ingeles estilo ona» goraipatu zuen[6].

Ogdenen liburuak F. C. Gordonek, George T. Tobinek, H.A. Ogdenek eta W. Raineyk ilustratu zituzten, besteak beste[4].

Brooklyngo Ospitalean hil zen 1927ko uztailaren 2an, 73 urte zituela, eta uztailaren 5ean Green-Wood hilerrian lurperatu zuten[1].

Lanak

  • His Little Royal Highness (1887)
  • A Loyal Little Red-Coat (1890)
  • A Little Queen of Hearts (1893)
  • Courage (1893)
  • Little Homespun (1897)
  • Tattine (1898)
  • Loyal Hearts and True (1899)
  • Friendship: The Good and Perfect Gift (1903)
  • Little Pierre and Big Peter (1915)

Erreferentziak

  1. ↑ a b c (Ingelesez) «Fannie Ogden Ide» Find a Grave (Noiz kontsultatua: 2024-10-19).
  2. ↑ a b (Ingelesez) White, James Terry; Derby, George, eds. «Ogden, Robert Curtis» The National Cyclopaedia of American Biography. Supplement I. JT White, 415 or..
  3. ↑ (Ingelesez) «Robert C. Ogden Left $2,000,000; Will, Filed for Probate, Gives More Than $1,000,000 to His Two Daughters» New York Times 1913-08-23.
  4. ↑ a b c (Ingelesez) Leonard, John William. (1914). «Ide, Fannie Ogden» Who's Who of America: A Biographical Dictionary of Contemporary Women of the United States and Canada, 1914-1915. American Commonwealth Company, 420 or..
  5. ↑ a b (Ingelesez) «Ide, Fannie Ogden» Men and Women of America: A Biographical Dictionary of Contemporaries. L.R. Hamersly & Company.
  6. ↑ (Ingelesez) «Literature» The Christian Register: 19. 1898-01-13.

Kanpo estekak