Rosa Villacastín

Rosa Villacastín

(2012)
Bizitza
Jaiotzako izen-deiturakRosario Martín Villacastín
JaiotzaÁvila, 1947ko ekainaren 2a (77 urte)
Herrialdea Espainia
Hezkuntza
Hizkuntzakgaztelania
Jarduerak
Jarduerakkazetaria, telebista aurkezlea eta idazlea
IMDB: nm0897668 Twitter: RosaVillacastin Edit the value on Wikidata

Rosario Martín Villacastín (Ávila, 1947ko ekainaren 2a) avilar kazetaria eta idazlea da.[1] Espainiako trantsizio garaiko kronika politikotik bihotzekora pasatu zen, prentsan, telebistan eta irratian. La Churra izenez ere ezaguna da. 2024ko maiatzean kazetaritzatik erretiratu zen, 50 urteko jardunaren ostean. PSOEko ekintzaile politikoa da[2][3]

Bizitza

Rosario Martín Villacastín 1947ko ekainaren 2an jaio zen Avilan. Francisca Sánchez del Pozoren biloba da, Ruben Dario poetaren azken bikotea (nekazari erdi analfabetoa, zeini irakurtzen irakatsi zion) emakume , hainbat seme-alaba izan zituena eta, azkenean, zibilez ezkondu zena) eta Jose Villacastinena, poeta nikaraguarraren lanaren biltzailea. Filosofia eta Letrak ikasi zituen.

Lan ibilbidea

Kazetari politikoa

Bere ibilbide profesionala Pueblo egunkarian hasi zen, eta 1971 eta 1983 urteen artean kronika parlamentarioan espezializatutako kazetari gisa lan egin zuen. Geroago, Ya egunkarira eta Interviu eta Panorama aldizkarietara pasa zen. Espainiako 1978ko Konstituzioaren eztabaidak, 1977ko Espainiako lehen hauteskunde orokorrak eta 1981eko 23F eguneko estatu kolpea Diputatuen Kongresuan bizi izan zituen. Antena 3 irratian hasi zen.[3][4]

Prentsa arrosa kazetaria

1989tik aurrera, prentsa arrosa deiturikoaren kontuez arduratzen hasi zen, eta Diez minutos aldizkariaren erredakzioan sartu zen; bertan, astero elkarrizketa bat egin zuen 26 urtez, erretiroa hartu zuen arte. Lau urte geroago, María Teresa Camposekin egin zuen telebistarako jauzia, Televisión españolako Pasa la vida saioaren kolaboratzaile lanetan, eta Carmen Rigalt kazetariarekin ere aritu zen.

1990ean Ya egunkariaren azalean argitaratu zuen artikulu batean, "El sida pone a Amparo Muñoz al borde de la muerte (Hiesak Amparo Muñoz hilzorian jarri du". Bi egun geroago, "fase terminalean" zegoela ziurtzat eman zuten, eta aktoreak gezurtatu egin zuen hori Julian Lagoren La máquina de la verdad saioan, Telecincon.[5][6]

1996an, saioko ia lantalde osoak bezala, Rosa Villacastinek Maria Teresa Camposekin jarraitu zuen Telecincoko Día a día saioan. Urte bat geroago, Antena 3 katearekin fitxatu zuen, Ana Rosa Quintanarekin batera Extra Rosa gizarte-kronikari buruzko saioa zuzentzeko eta aurkezteko. Berehala izan zuen audientzia arrakasta eta 1997-1998ko denboraldiari ere eutsi zion saioak.[7][8][9][10]

1999an, Las mañanas de Rosa goizeko magazinaren ardura hartzea eskaini zion kateak. Ezin izan zuen Telecincotik Maria Teresa Camposekin zuen lehia gainditu, eta bi hilabetera erretiratu egin zuten. Berehala, Ana Rosa Quintanaren Sabor a ti (1999-2004) saioan kolaboratzaile lanetan hasi zen, Telecincon Grandiosas (2001) eztabaida saioa gidatu zuen garaian Lolita Flores eta Belinda Washingtonekin batera ez zuen audientziaren babesik lortu. Antena 3 katera itzuli zen hainbat saiotako kolaboratzaile gisa, eta bere magazin propioa aurkeztu zuen: La vida es rosa 2005ean Olga Marsetekin batera.[11]

2006-2007 denboraldian Las mañanas de Cuatro saioan jardun zuen, Concha Garcia Campoyrekin batera, eta 2007ko irailetik Antena 3 kateko A3Bandas izeneko magazinean. 2012-2013an, gainera, TVEko +Gente saioan La 1 katera pasatu zen. Gero, 2013tik 2014ra Emma Garciak larunbatetan Telecinco katean aurkezten zuen Abre los ojos ... y mira saioan kolaboratu zuen. Horrez gain, 2015etik 2018ra Ines Ballesterrek La 1 katean aurkezten zuen Amigas y conocidas saioan tertuliakidea izan zen. Gainera, Aragon TV Aragoiko autonomiako Puntos de vista saioan kolaboratu zuen.[12]

1998 eta 2008 artean Cadena SER irratiko La ventana saioan kolaboratu zuen. Xavier Sardárekin lehenengo eta Gemma Niergarekin gero, 2008ko irailean Punto Radioko Queremos hablar saioan hasi zen lanean, Ana García Lozanok aurkeztua.

2024ko maiatzaren 19an erretiroa hartuko zuela iragarri zuen La 1 kateko D corazón saioan, laguntzaile lanetan zegoen saioan, Anne Igartiburuk eta Jordi Gonzalezek aurkezle zirela. [13]

Gutxienez bederatzi libururen egilea da, besteak beste, La Princesa Paca (2014). Lan horretan bere amonaren, Francisca Sánchez lorazainaren eta Rubén Dario poetaren erromantzeari buruzkoa. 2017an TVErentzat izenburu bereko telebistarako filma inspiratu zuen. Irene Escolar, Daniel Holguin, Ana Wagener eta Petra Martinez aktoreak izan ziren protagonistak Joaquin Llamas zuzendariaren aginduetara.[14]

2023an Mujeres olvidadas dokumentalaren narratzailea izan zen, Jacobo Echeverriak-Torresek zuzendua, zeinek bere emazte Francisca edo Paquita Sauquillo abokatuarekin batera Movimiento por la Paz, el Desarme y la Libertad (MPDL) Gobernuz Kanpoko Erakundea sortu zuen. Filmak XX. mendearen lehen laurdenean Espainiako kode zibilean emakumeek izan zuten babesgabetasuna eta emakume aitzindariek beren eskubideen alde egindako borroka anonimoa erakusten zituen.[15][16]

Telebista Akademiako kidea eta Madrilgo Prentsaren Elkarteko Zuzendaritza Batzordeko kidea da 2019tik. Urtebete lehenago, Gerra Zibilari, diktadurari eta demokraziarako urratsari buruzko bere bildumari buruzko 200 bat liburu eman zizkion Adolfo Suarez eta Cebrerosen Trantsizioari Museoari. Urteak dira emakumeari eta komunikabideei buruzko hitzaldiak eta konferentziak ematen dituela.[3][17][18] 2024an hartu zuen erretiroa.[19]

Telebistako ibilbidea

Telebistako altxor biziak, 2012
Rosa Villacastín, ezkerretik atzean 2. lerroan 1. emakumezkoa, 2012
  • Ésta es su casa (1990 - 1991), TVE, laguntzailea
  • Pasa la vida (1991 - 1996), TVE, laguntzailea
  • ¡Hola Raffaella! (1992 - 1994) ,TVE, laguntzailea
  • Día a día (1996 - 1997), Telecinco, laguntzailea
  • A toda página (1997), Antena 3, presentadora
  • Extra Rosa (1997 - 1998), Antena 3, codirectora y presentadora. [9]
  • Las mañanas de Rosa (1999), Antena 3, presentadora
  • Sabor a ti (1999 - 2004), Antena 3, laguntzailea
  • Grandiosas (2002), Telecinco, presentadora. [20]
  • Con T de tarde (2002 - 2004), Telemadrid, laguntzailea
  • Cada día (2004 - 2005), Antena 3, laguntzailea
  • La vida es rosa (2005), Antena 3, presentadora
  • La buena onda de la tarde (2005), Antena 3, laguntzailea
  • Lo que inTeresa (2006), Antena 3, laguntzailea
  • ¿Dónde estás corazón? (2006) , Antena 3, laguntzailea
  • Las mañanas de Cuatro (2006 - 2007) ,Cuatro, laguntzailea
  • A3Bandas (2007), Antena 3, presentadora
  • Espejo público (2007 - 2013),Antena 3, laguntzailea
  • ¿Dónde estás corazón? (2007 - 2011), Antena 3, laguntzailea
  • 3D (2010), Antena 3, laguntzailea
  • En Casa con Cristina (2011), CYLTV, laguntzailea
  • La Tarde con Cristina (2012), CYLTV, laguntzailea
  • +Gente (2012 - 2013) en TVE, laguntzailea
  • Abre los ojos y mira (2013 - 2014), Telecinco, laguntzailea
  • ¡Qué tiempo tan feliz! (2013 - 2017), Telecinco, laguntzailea
  • El Programa de Ana Rosa (2013 - 2023), Telecinco, noizbehinkako laguntzailea
  • Amigas y conocidas (2015 - 2018), La 1, laguntzailea
  • Sábado Deluxe (2017 - 2022), Telecinco, laguntzailea eta noizbehinkako gonbidatua
  • Puntos de Vista (2017 - presente), Aragón TV, laguntzailea
  • Lazos de sangre (2019 - 2023), La 1, laguntzailea
  • Arusitys Prime (2019), Antena 3, laguntzailea
  • La hora de La 1 (2020 - 2021), La 1, laguntzailea
  • Sálvame Limón (2022), Telecinco, laguntzailea.
  • Ya es verano (2022), Telecinco, laguntzailea
  • ¿Quién es mi padre? (2022), Telecinco, laguntzailea
  • Plan de tarde (2023), La 1, laguntzailea
  • D Corazón (2024), La 1, laguntzailea.

Argitaratutako liburuak

Sariak

  • Avilako Sari Herrikoia, Adolfo Suarezek eman ziona.[22]
  • 1997: Marbella Hiria Saria.
  • 1998: Zamarramalako Urrezko Matahombres saria, (Segovia) emakumeengatik.[23]
  • MIDIA saria, bere ibilbide profesionalarengatik.
  • Zilarrezko garbantzua.[3]
  • 2011: La Alcazaba Saria, Avilako lurraldea ezagutzera ematen egindako lanarengatik.[24]
  • 2012: Espainiako Irrati eta Telebista Elkarteen Federazioak ematen zuen Urrezko mikrofonoa.[25]
  • 2018: Pablo Iglesias saria, Gaztela eta Leongo UGTk emana.[26]
  • 2023: Ramon Rubial Fundazioaren Patronatuak ematen duen Komunikazioari Ramon Rubial Saria, komunikazioaren munduan izandako ibilbide profesionalarengatik eta emakumeen berdintasunaren aldeko borrokan egindako ekarpenarengatik.[27]

Erreferentziak

  1. ↑ Bianchi, Martín. (2024-07-14). «Rosa Villacastín, la reina de la crónica rosa, se jubila: “Hay gente que con los años se derechiza. Yo, en cambio, estoy en plan guerrillera”» El País.
  2. ↑ Mañoso, Fidela. (15 de marzo de 2010). Rosa Villacastín: «A las mujeres nos falta ambición, quizá porque atendemos demasiados frentes». .
  3. ↑ a b c d Sus 50 años en el periodismo. .
  4. ↑ «Rosa Villacastín» Diez Minutos.
  5. ↑ Amparo Muñoz, un bello juguete roto (Diego Galán. El País, 28/02/2011)
  6. ↑ PLAY, RTVE. (2024-03-10). «El titular de Rosa Villacastín que casi acaba con la carrera de Amparo Muñoz» RTVE.es.
  7. ↑ Estreno de 'Extra Rosa'. 14 de julio de 1997.
  8. ↑ «Extra Rosa - Apple TV (ES)» Apple TV.
  9. ↑ a b «'Extra Rosa', un programa "divertido e innovador" sobre crónica social» www.antena3.com 2015-01-29.
  10. ↑ «La Revista: Gentes» www.elmundo.es.
  11. ↑ Gallo, Isabel. (1999-03-12). Antena 3 prescinde de 'Las mañanas de Rosa' por su escaso índice de audiencia. ISSN 1134-6582..
  12. ↑ norte, el. (2018-03-21). «Rosa Villacastín abandona 'Amigas y conocidas'» El Norte de Castilla.
  13. ↑ verTele, Redacción. (2024-05-20). «Rosa Villacastín anuncia en TVE que se jubila: "Hay que irse a disfrutar de otras cosas de la vida"» Vertele.
  14. ↑ RTVE.es. (2017-04-12). «RTVE estrena 'La princesa Paca', la historia sobre el gran amor de Rubén Darío protagonizada por Irene Escolar y Daniel Holguín» RTVE.es.
  15. ↑ Rosa Villacastín: "Las redacciones están llenas de mujeres de talento, pero pocas ostentan el poder" - Asociación de la Prensa de Málaga. 2018-10-05.
  16. ↑ Narradora de Mujeres olvidadas. .
  17. ↑ Norte, El. (2018-05-15). «La periodista Rosa Villacastín dona más de 200 libros a un museo de Ávila» El Norte de Castilla.
  18. ↑ GOZALBO, H.. (2016-09-16). «Rosa Villacastín protagoniza el ciclo local de conferencias» El Periódico Mediterráneo.
  19. ↑ Jubilación Rosa Villacastín
  20. ↑ «Belinda Washington, Lolita y Rosa Villacastín presentan "Grandiosas" en Telecinco» Vertele 2002-03-15.
  21. ↑ Press, Europa. (2017-11-25). «Rosa Villacastín recoge en 'Los años que amamos locamente' la "letra pequeña" de la vida previa a la Transición» www.europapress.es.
  22. ↑ Ávilared. (2023-03-06). «Rosa Villacastín: “vais a tener que dar muchas patadas, pero dadlas”» Ávilared | Noticias de Ávila.
  23. ↑ Goycoolea Prado, Roberto. (2000). «Primer premio, segundo premio... descartado» Astrágalo. Cultura de la Arquitectura y la Ciudad (14): 116–120.  doi:10.12795/astragalo.2000.i14.10. ISSN 1134-3672..
  24. ↑ ICAL. (2011-03-16). «Adolfo Suárez, Rosa Villacastín y Julio Jiménez, Premios 'La Alcazaba'» El Norte de Castilla.
  25. ↑ prnoticias, redacción. (2012-05-28). «Micrófonos de Oro: Rosa Villacastín dedica su premio a los periodistas en paro» PR Noticias.
  26. ↑ Collado, María Ángeles Hernández. (2018-11-23). «Rosa Villacastín ha sido galardonada con la Distinción Pablo Iglesias» cadena SER.
  27. ↑ Premio Ramón Rubial. .

Kanpo estekak