Oroigarrizko zutabe bat gertaera garrantzitsu, garaipen militar, independentzia edo bestelako gertakari politiko bat oroitzeko monumentu bat da, edo baita pertsona garrantzitsu baten omenez eraikitako elementua.
Altuera nabarmenekoa, plaza publiko batean eraikia, material iraunkorrez egina, esaterako harriz edo brontzez, nabarmentzeko eta denboran zehar iraun egiteko eginak dira. Eredua Trajanoren zutabea izan ohi da edo antzinaroko monumenturen bat; nolanahi ere, XVIII . eta XIX . mendeetako ohiturei egokituta.
Orokorrean apaingarri ugari eta zizelkatuta edo inskripzioz eta datuez beteak izaten dira, pertsonaia garrantzitsuen izenak edota balentrien kontaketa beteak; askotan elementu sinboliko ugari izaten dituzte eta buruzagi baten edo haren ordezkaritzaren irudia.
Badaude oroigarrizko zutabeak barnean eskailera dutenak goiko aldera igo ahal izateko.
