Santutxun (Bilbo) jaio bazen ere, zornotzartuta dago Onintze, aspalditik bizi baita bertan.
Musikari
Onintze abeslaria eta konpositorea da. Seiren taldean ibilbide musikala egin ondoren, 2005ean bakarkako ibilbideari hasiera eman zion eta hiru disko editatu ditu, POP estiloan kokatzen diren abesti pertsonalak gaztelaniaz abestuz.[2]
2018ko apirilean A la luz de la luna lehen singlearen bideoklipa grabatu zuen Islandian.TAOM (The Art Of Making) ikus-entzunezko produkzio-etxeak egin zuen. Zuzendariak Aitor Guerrero eta Karlos Trijueque izan ziren, Josu Torrealdayren argazki ikusgarriarekin. Diskoan koruak Seiren taldeko Jokin Lacalle zornotzarrak egin zituen.[1]NEOX DISCOVERen lehen edizioko irabazleetako bat izatea lortu zuen.
2019an Punto de partida argitaratu zuen, bere bakarkako lehen diskoa. Bertan, Onintzek ikuspegi bakar eta pertsonal batetik abiatuta bere eta besteen istorio oso gizatiarrak kontatzen ditu.
2022a ¿Por qué quedarme callada? EP berria plazaratzearekin itxi zuen. Hurrengo urtean, 2023an, berriz, diskoa zuzenean aurkezteko birari ekin zion; Madril, Bartzelona, Aranda de Duero, Bilbo, Donostia, Iruñea eta beste hainbat tokitan izan zen. Horrez gain, Alex Ubagoren "20 Años" birako hainbat kontzertutan parte hartu zuen.[2]
Musika irakasle
Barakaldo eta Bakioko musika eskoletan piano eta gitarra irakasle dihardu. Ikasle gazteak zein adinekoak hurbiltzen zaizkio.
