Olentzero and Company edo Olentzero & Co 2010. urtean egindako euskarazko musikala da, Oihan Vegak eta Txemi Etxebarriak egina. Euskaraz sortutako lehenengo musikala da, eta Euskal Herriko jendeak sortua, interpretatua eta eszenaratua den lehenengo musikala ere bai. Gabon kanta tradizionalak pop, rock, techno, dance eta tango doinuekin uztartu ditu.[1][2]
Istorioa
Peru izeneko haurrari gurasoak hil zaizkio istripu batean, eta Olentzerori opari berezia eskatuko dio: zoriontasuna. Haatik, haurrak idatzitako eskutitza puskatu egingo du haren amaorde maltzurrak, eta Peruk Olentzeroren bila abiatzea erabakiko du Peruk. Bidean, euskal mitologiako hainbat pertsonaiaren laguntza izango du.[2]
Emanaldiak
Guztira Hamar emanaldi eman ziren jendaurrean, 2010eko azaroan eta abenduan, Bergaran, Eibarren, Arrasaten eta Donostian. Bergarakoa entsegu jenerala izan zen, azaroaren 28an; aurre-estreinaldia Eibarren izan zen, abenduaren 2an; estreinaldia Arrasaten izan zen, abenduaren 11n; eta Donostiako emanaldia Kursaalean izan zen, abenduaren 30ean. 2011n beste hiru aldiz taularatu zen, abenduaren 8an Bilboko Campos Eliseos antzokian Bi aldiz eta hirugarren bat abenduaren 27an Iruñako Baluarte Aretoan
Pertsonaiak
Musikaleko pertsonai garrantzitsuenak Peru, Olentzero eta Peruren Izeba dira. Peruk basoan aurkitzen dituen pertsonaiak haueak dira: iratxoak, lamiak, Erreka Mari, Anbotoko Mari, Zaindaria. Eta Olentzero & Co lantegian Tasio ikazkina, Mari Domingi eta lantegiko umeak aurkituko ditu.
Koreografia
Musikalean dantzariak daude, eta Eibarko Biraka taldekoak dira. Josu Mujika da koreografoa, eta dantzarien koordinatzailea.
Abesbatza
Bergarako hiru abesbatza dabiltza musikalean: Bergarako Orfeoia, Aritzeta abesbatza eta Musika Eskolako Umeen Koroa.
Erreferentziak
Kanpo estekak
