Nikolas Barrenetxea Uribasterra (Izengoitiak: Itarka, Motxogane, Igorreko Julen); (Igorre, 1898ko abenduaren 3a - Altsasu, 1988ko martxoaren 27a)[1] misiolari eta euskal idazlea izan zen.
Biografia
Altsasun kaputxino sartu eta Hondarribian eta Iruñean Filosofia eta Teologia ikasi ondoren, 1923an apaiztu zen. Txinako Gansuko elizbarrutian 27 urtez misiolari jardun ondoren (1927-54), bertako agintariek misiolariak egotzi zituzten eta berriz ere Altsasura itzuli zen.[2]. Txinan zegoelarik Irugarrengo Prantziskotarra, Zeruko Argia, Karmel, Egan, Euskal-Esnalea eta Herria aldizkarietako lankide izan zen[3].
Euskaltzain urgazlea izan zen 1983. urteaz geroztik.
Idazlanak
- Loramendi. Olerki ta idatzi guztiak (1960).[4]
- Loramendi eta haren garaia (1962).
- Batikano batzarra, lehengo aldia (1965).
- Batikano batzarra, 2. 3. eta 4. aldiak (1967).
- Mao tse-tung (1978).
- Mao tse-tung, 1936-1954, kronika eta bigarren zatia (1987).
Erreferentziak
