PROFILPELAJAR.COM

Neneh Cherry
	; (2013) Irudi gehiago
Bizitza
Jaiotzako izen-deiturak	Neneh Mariann Karlsson
Jaiotza	Stockholm, 1964ko martxoaren 10a (60 urte)
Herrialdea	Suedia
Familia
Aita	Ahmadu Jah
Ama	Moki Cherry
Ezkontidea(k)	Bruce Smith (en) (1983 - 1984); Cameron McVey (1990 -
Seme-alabak	ikusi Naima Karlsson (en) ; Mabel;
Haurrideak	ikusi Eagle-Eye Cherry; Titiyo;
Familia	ikusi David Ornette Cherry (en) (stepbrother (en) ); Christian Jon Cherry (en) (stepbrother (en) ); Marlon Roudette (en) (semeorde);
Hezkuntza
Hizkuntzak	suediera; ingelesa
Jarduerak
Jarduerak	abeslaria, musikagilea, kantugilea eta discjockeya
Jasotako sariak	ikusi Brit Award for International Solo Artist (1990eko otsailaren 18a) ; BRIT Award for International Breakthrough Act (1990eko otsailaren 18a) ; MTV Europe Music Award for Best Song (1994ko azaroaren 24a) : 7 Seconds (en) ;
Kidetza	CirKus (en)
Izengoitia(k)	Neneh Cherry
Genero artistikoa	pop musika; trip hopa; alternative hip-hop (en) ; jazza; Free-jazza
Musika instrumentua	ahotsa
Diskoetxea	Virgin Records
	nenehcherry.co.uk

Neneh Marianne Karlsson Cherry, izen artistikoa Neneh Cherry duena (Stockholm, Suedia, 1964ko martxoaren 10a) rap abeslari, disk jockey eta irrati esatari suediarra da.

Biografia

Sierra Leonako musikaria den Ahmadu Jah eta Monika Karlsson suediar artistaren alaba da, baina txikitatik Don Cherry aitaordarekin bizi izan zen eta honen abizena hartu zuen^[1]. Don Cherry jazz tronpetajotzaile estatubatuarra da eta musikarien familia osatu zuten, Nenehren anaiordea Eagle-Eye Cherry eta ahizpaordea Titiyo ere musikariak baitira.

Estokolmon jaio bazen ere haurtzaroa Hässleholm herrixkan igaro zuen^[2]. Don Cherry Europan zehar egiten ari zen bira batean amak ezagutu eta hurrengo egin zituen biratan familia guztia joan eraman zuen, Neneh bera ere bai. 1970 hamarkadan New Yorkeko apartamentu batetara aldatu ziren. 1978an, hamalau urte zituela, eskola utzi eta Londresera joan zen. The Cherries punk taldean hasi zen abesten, ondoren beste hainbat taldetan ere ibili zen, The Slits, New Age Steppers, Rip Rig & Panic eta Float Up CP^[3]. 1984 urtean Bruce Smithekin ezkondu eta alaba bat izan zuten, baina urte berean dibortziatu ziren. 1987an Japoniara modelo gisa joan zen eta han Cameron McVey produktorea ezagutu eta 1990an ezkondu ziren.

1982 urtean Stop the War abestia atera zuen, Falklandetako Gerraren aurkako protesta gisa, hau izan zen bere bakarkako aurreneko ana. 1989 urtean atera zuen bakarkako aurreneko disko osoa, Raw Like Sushi^[1]. Buffalo Stance abestia mundu mailan ezagutu zen. BBCko Top of the Pops saioan publikoari bizkarra emanez abestu zuen zazpi hilabeteko haurdunaldiarekin eta zer esan handia eman zuen^[3]. Erresuma Batuko zerrendatan 3. postua lortu zuen eta estatu Batuetan lehenera iritsi zen.

Arrakasta handiena 1994an lortu zuen. Youssou N'Dour abeslari senegaldarrarekin batera 7 seconds abestia grabatu zuen eta sei hilabetetan zehar mundu guztiko musika zerrendatan egon zen^[4]. MTV Europe Music Awards sarietan abesti onenaren saria eskuratu zuen.

2006an cirKus izeneko taldea sortu zuen, bere senarrarekin eta Tyson eta Karmil alabekin. 2011 urtean The Cherry Thing jazz taldea sortu zuen eta 2013an disko onenaren Grammy saria jaso zuen^[5].

Bizitzan zehar toki askotan bizi izan da, Malagan, New Yorken, Londresen, Birminghamen... Gaur egun Malmön eta Londresen bizi da.