Nazioarteko Federazio Zinologikoa
Datuak
Izen laburra	FCI
Mota	erakundea eta katalogoa
Herrialdea	Belgika
Jarduera
Enplegatuak	435
Agintea
Egoitza nagusi	Thuin
Historia
Sorrera	1911ko maiatzaren 22a
Sortzailea	Alemania Austria Frantzia Belgika Herbehereak
webgune ofiziala

Nazioarteko Federazio Zinologikoa (NFZ, frantsesez ofizialki Fédération Cynologique Internationale, FCI) munduko txakur-arrazen zaletuen nazioarteko federaziorik handiena da. Zinologia (edo kanofilia) eta zakurrak hazteko arauak zuzendu eta sustatzeaz arduratzen da. Kide diren 95 herrialdek osatzen dute, non bakoitzak pedigri zerrendak dituzten, eta arrazen sailkapenerako estandarrak proposatzen dituzten.

Erakundeak Thuinen (Belgika) du egoitza.

NFZren lanaren alderdi agerikoena arraza-txakurren sailkapena da. NFZk 349 arraza onartzen zituen 2021 amaieran, baina kriterioetako bat da horietako bakoitza herrialde jakin batena dela, oro har, estatu subiranoei lotutako kontzeptua alegia^[1]. Arraza horien jabe diren herrialdeek arrazaren estandarra ezartzen dute, eta NFZ-k halaber, 10 talde nagusitako sailkapen batean sartzen ditu, honako kategorietan banatua^[2]:

• 1. taldea. Artzain-txakurrak eta behi-azienda zaintzen dutenak.
• 2. taldea. Pinscher eta schnauzer txakurrak, molosoak, mendiko txakurrak, eta Suitzako unai-txakurrak.
• 3. taldea. Terrierrak
• 4. taldea. Teckel motakoak.
• 5. taldea. Spitz motako zakurrak eta primitibo deritzenak.
• 6. taldea. Untxariak.
• 7. taldea. Pointer eta setterrak.
• 8. taldea. Ehiza-txakurrak (mota zehatz batzuk) eta ur zakurrak.
• 9. taldea. Konpainia-txakurrak.
• 10. taldea. Xarlangoak.