Mélanie Joly (Montreal, Kanada, 1979ko urtarrilaren 16a) Kanadako abokatua, politikaria eta estatistikaria da.[1][2] 2021eko urriaren 26an Kanadako Kanpo Arazoetako ministroa izendatu zuten.[3]
Ibilbidea
Abokatutza
Zuzenbidean lizentziatu zen Montrealgo Unibertsitatean, 2001ean. Eta 2003an Zuzenbide Konparatu eta Publikoko Magister Juris titulua lortu zuen Oxfordeko Unibertsitatean.[3]
Politika
2013an, Quebeceko Aholku Batzordeko buru izendatu zuten Kanadako Alderdi Liberalaren hauteskunde-kanpainan, Justin Trudeauren agindupean.[4] 2013an, Vrai changement pour Montréal alderdia sortu zuen, eta Montrealeko alkatetzarako hautagai aurkeztu zen.[3] Azaroaren 3an botoen %26,50 lortu zuen, eta Denis Coderre irabazlearen aurrean galdu zen.[5]
2015. urtean udal politika utzi eta Alderdi Liberalaren aldeko hauteskunde federaletara aurkezteko asmoa iragarri zuen, botoen %47,50 lortuta.[6][7] Urte horretan bertan Kanadako Ondare ministro izendatu zuten.[8] 2018ko abuztuaren 28an, Turismo, Hizkuntza Ofizial eta Frankofoniako ministro bihurtu zen.[9] 2019ko azaroan, Garapen Ekonomikoko eta Hizkuntza Ofizialetako ministroa izan zen.[10]
2021eko urriaren 26an Kanadako Kanpo Arazoetako ministro izendatu zuten, Mark Garneauren ordezko.[3][11]
2022ko irailean Mahsa Amini emakumeen eskubideen aldeko ekintzailearen heriotzagatiko gaitzespena adierazi zuen Mélanie Jolyk. Moralaren Poliziak hijab, buruko ohiala, publikoan behar bezala ez erabiltzeagatik atxilotu eta torturatu egin zuten Mahsa Amini.
Lanak
Changing the Rules of the Game lanaren egilea da, eta politika publikoari eta herritarren konpromisoari buruzko ikuspegia partekatzen du.[12]
Erreferentziak
Kanpo estekak
_(cropped).jpg)
