Mediapart
Mota	zenbakizkoa eta partehartzailea
Fitxa teknikoa
Hizkuntza	frantsesa, gaztelania eta ingelesa
Argitaratze lekua	Paris, Frantzia
Argitaletxea	Société éditrice de Mediapart (en)
Banaketa
Banatze-eremua	ezker politiko
Historia
Ideologia	ezker politiko
Zuzendaria	Marie-Hélène Smiéjan
Editore-burua	Stéphane Alliès eta Carine Fouteau
Identifikadoreak
ISSN	2100-0735
www.mediapart.fr

Mediapart frantsesez argitaratzen den egunkari digitala da. Informazioaren ikuspegi jeneralista bat dauka eta egunkari independiente, zenbakizko eta partizipatibo bezala definitzen du bere burua.^[1]

2008ko martxoaren 16an argitaratu zen lehen aldiz. Alde batetik, François Bonnet, Gérard Desportes, Laurent Mauduit eta Edwy Plenel (Le Monde-ko informazio-zuzendari ohia) kazetariek sortu zuten. Bestalde, Marie-Hélène Smiéjan eta Godefroy Beauvallet ere sorreran egon ziren.

Bereziki datuen kazetaritza lantzen duen egunkaria da. Ikerketak egiten dituzte eta horren inguruan txostenak argitaratzen dituzte. Egindako lanen artean dago Sarkozyk, Errepublika Frantseseko presidente ohiak, Kadhafi-ren alde egindako kanpainari buruzkoa, 2011 urtean.

Edukiak atal desberdinetan banatuta daude webgunean. Hiru zati nagusiak Le Journal, Le Studio eta Le Club dira, edukien izaeraren arabera. Le Journal-en (“Egunkaria”) idatzizko edukiak daude; Le Studio-n (“Estudioa”) ikus-entzunezko edukiak eta Le Club-en (“Kluba”) blogak eta eduki partizipatiboak bereziki.

Egunkariaren orrialde eta atal nagusia da, haiek ekoiztutako kazetaritza pieza idatziak argitaratzen dituena. Aldi berean, bost azpiatal dauzka, edukiaren arabera: International (nazioartekoa), France (Frantzia), Économie (ekonomia), Culture (kultura) eta Dossiers (txostenak).

Honetan ikus-entzunezko edukiak daude. Haien artean dokumentalak, podkastak, elkarrizketak eta bestelako bideo batzuk ekoizten ditu Mediapart-ek. Besteak beste, Le Studio-ren barruan, Panoramique azpiatala dago. Honetan gai baten inguruan sakonki aztertzen dituzten pieza eta erreportaiak daude, kasu gehienetan eduki multimedia desberdinekin konbinatuta: mapa infografikoak, grafikoak edota hizpide denaren dokumentu ofizialak.

Atal honetan harpidedunei ematen zaie hitza. Blog izaera dauka eta parte hartzeko irekia dago. Harpidedunek hemen argitaratutakoa (testuak, bideoak, audioak…) edozein irakurlerentzat ikusgai dago. Honen helburua adierazpen pluralista da, hedabideen artean edukien inguruan eztabaidatzeko, sare sozialeko izaerarekin.

Informazioa ikuspuntu jeneralista batetik lantzen duen egunkari independientea da. Bereziki politikarekin lotutako informazioa lantzen dute, ikuspegi ezkertiar batekin. Gainera, hedabidearen izaera independiente eta partehartzailea defendatzen dute bereziki. Horrela, prentsako eredu berri bat eskaini nahi dute.^[2]

Hiru zuzendaritza daude. Alde batetik, Marie-Hélène Smiéjan^[3], zuzendari orokorra dena; bestetik, Edwy Plenel argitalpenen zuzendari eta presidentea; eta, azkenik, Zuzendaritza Editoriala Stéphane Alliès-ek eta Carine Fouteau-ek osatzen dutena. Horretaz gain, sailetan banatuta dago erredakzioa: nazioartekoa, politika, ekonomia, gizartea, kultura, ikerketa eta abar. Bestalde, administrazio eta finantzaketa arloan Cécile Sourd da zuzendaria.

Enpresaren sozietate mota Frantziako SAS (Société par actions simplifiée) da Mediaparteko Sozietate Editoriala (Société Editrice de Mediapart). Honen oinarria akzioetan banatutako kapitala da. Akzionistek estatutuetan adostutakoan oinarritzen da enpresaren funzionamendua. Gainera, fundatzaileak dira kapitala kontrolatzen dutenak. 1.958.930€-ko kapitala dauka.^[4][5]

Ez dauka iragarkirik. Hori dela eta, harpidetzek ematen dizkieten diru sarrerekin funtzionatzen dute. Horrela, edukien zati handi bat ordainpeko harpidetzaren bidez ikusi daiteke. Eredu honekin hedabidearen eta haren edukien independentzia bermatzen da.

Hiru tarifa mota eskaintzen dituzte. Tarif normal (normala), 11€ hilabetero; Tarif réduit (murriztuta), 5€ hilabetero eta Tarif soutien (babes tarifa), 15€ hilabetero. Gainera, euro bat ordainduz gero, harpidetza normalaren lehenengo 15 egunak eskuratu daitezke.

Bereziki Frantziako hedabide bat da. Hala ere, espainolezko bertsioa (Mediapart Español) eta ingelesezko bertsioa (Mediapart English) dauzka, beraz, beste herrialde batzuetan hedatzeko aukera dauka ere. 2020ko abenduaren 31n 218.099 harpidedun zituen.