Kuban jaio bazen ere[2], gurasoak caboverdetarrak ditu eta egun gutxi zituela Afrikara itzuli ziren. Cabo Verden pasa zuen haurtzaroa baina Mayra Andraderen aita goibernuko diplomatikoa izanik atzerriko hanibat herrialdetan bizi izan zen, Senegalen, Angolan eta Alemanian, besteak beste[2]. Urtero ordea bi hilabete Cabo Verdeko Santiago uhartean pasatzen zituen[2]. Hizkuntza ugari hitzegiten dituen arren abesti gehienak Cabo Verdeko kriollo hizkuntzan grabatu ditu.
17 urte zituela Parisera joan zen bizitzera eta han egon da 2015 urtean Lisboara aldatu zen arte[3][4]. Parisen Orlando Pantera musikaria ezagutu zuen eta berarekin elkarlanean portuges hizkuntza nagusi den tokitan kontzertu ugari eman zituen. 2006an bere aurreneko diskoa atera zuen, Navega[2]. Alemaniako Kritikoen saria eskuratu zuen, bai eta bigarren diskoarekin ere, Stória, stória....[5] BBC Radio 3ko musika sarietan debutari onenaren saria eskurau zuen 2008an[6].
2013an Lovely Difficult diskoa atera zuen[3], aurrekoekin konparatuta ez hain tradizionala eta pop antzerakoagoa. Estatu Batuetako, Israelgo, Frantziako eta Erresuma Batuko artisten kolaborazioak izan zituen eta abestiak portugesez, Cabo Verdeko kreoleraz, frantsesez eta ingelesez grabatu zituen.
2019ko otsailean Manga diskoa atera du, bere ibilbideko bosgarrena[7].
Aktibismoa
2011 urtean Trio Mocotóren diskoan "Berimbau" abestian kolaborazioa egin zuen eta jasotako ditrua HIESAri aurre egiteko erabili zen. 2015ean Nazio Batuen enbaxadore izendatu zuten. "Aske eta Berdin" kanpainan hartu du parte Cabo Verdeko LGBT komunitatearen eskubideak bultzatu asmoz.
.jpg)
