Martxa baten lehen notak
Mikel Laboaren, Aire Ahizpaken, Arkaitz Minerren, Herri Oihuaren, Iheskideren, Oreka Txen, Igelaren Bandaren, Mikel Urdangarinen, Pier Paul Berzaitzen eta Andoni Tolosaren musika-lana
Egilea(k)	Mikel Laboa, Aire Ahizpak, Arkaitz Miner, Herri Oihua, Iheskide, Oreka Tx, Igelaren Banda, Mikel Urdangarin, Pier Paul Berzaitz eta Andoni Tolosa
Argitaratze-data	1980
Ezaugarriak
Hizkuntza	euskara
Diskoetxea	Elkar
Deskribapena
Honen parte da	Lau-Bost (albuma)
Hitzak	Joxan Artze
Bestelako lanak
Musikagilea	Mikel Laboa

Martxa baten lehen notak Mikel Laboaren abestia da, Joxan Artzeren hitzekin 1980an Lau-bost albumean plazaratu zuena.^[1][2] Jatorriz abesti hau Bertolt Brechten olerki baten hitzen euskarazko egokitapena omen da.^{[erreferentzia behar]}

Franco hil ondorengo giro eraldatzailean, kalean era askotako "martxak" entzuten dira: Mikel Laboak bizirik irauteko borrokan ari diren herri txikientzako martxa bat sortu nahi zuen. Martxa berri bat, gizakien eta herrien arteko elkartasunaren ideiaren aldekoa, herri eta gizaki bakoitzari dagokion begiramena eta ezagutzatik abiatuta. Joxan Artzeri eskatu zion hitzak idazteko. Kanta hau da emaitza, 1980an grabatu zuen Laboak.^[3]

• 
  Mikel Laboa
• 
  "Eguzkiak urtzen du goian...
• 
  "...gailurretako elurra..."
• 
  "...uharka da jausten ibarrera..."
• 
  Joxan Artze

Mikel Laboaren hiru diskotan azaltzen da abesti hau. eta Mikel Laboaz gain badira beste hainbat bertsio; besteak beste abeslari hauek grabatu dute: Aire Ahizpak,^[4] Arkaitz Miner, Herri Oihua, Iheskide, Oreka TX, Igelaren Banda, Mikel Urdangarin, Pier Paul Berzaitz, eta Morau,^[5]

Honela hasten da:^[3]

Eguzkiak urtzen du goian

gailurretako elurra

uharka da jausten ibarrera

geldigaitza den oldarra.

Honela bukatzen da:

Bakoitzak urraturik berea

denon artean geurea

etengabe gabiltz(a) zabaltzen

gizatasunari bidea.

Inon ez inor menpekorikan

nor bere buruaren jabe

herri guztiak bat eginikan:

ez gabiltza gerorik gabe.

Batek goserikan diraueino

ez gara gu asetuko

beste bat loturik deino

ez gara libre izango.

• Mikel Laboa

• Martxa Baten Lehen Notak Mikel Laboa: gaia Ýoutube
• Martxa baten lehen notak (Mikel Laboa) ahotsbakoa. Gabi de la Maza, Karaokea
• Martxa baten lehen notak Wikikantuz (hitzak euskaraz eta frantsesera itzuliak.