Maria Jeritza
Irudi gehiago
Bizitza
Jaiotza	Brno, 1887ko urriaren 6a
Herrialdea	Austria
Heriotza	Orange, 1982ko uztailaren 10a (94 urte)
Hobiratze lekua	Holy Cross Cemetery (en)
Familia
Ezkontidea(k)	Winfield Sheehan
Familia	ikusi Blanche Marchesi (amaginarreba)
Hezkuntza
Hizkuntzak	txekiera
Irakaslea(k)	Estelle Liebling
Jarduerak
Jarduerak	opera abeslaria, zinema aktorea eta concert singer (en)
Lantokia(k)	Brno eta Olomouc
Jasotako sariak	ikusi Ring of Honour of the City of Vienna Great Golden Medal of Honour for Services to the Republic of Austria Ingenio et arti Honour in Gold for Services to the Republic of Austria Austrian Decoration for Science and Art First Class Österreichischer Kammersänger
Ezizena(k)	Moravian Thunderbolt
Genero artistikoa	opera
Ahots mota	sopranoa
Musika instrumentua	ahotsa
Diskoetxea	Fonotipia Victor Talking Machine Company

Maria Jeritza, sortzez Maria Jedličková (Brno, Moravia, Txekiar Errepublika, 1887ko urriaren 6a – Orange, New Jersey, 1982ko uztailaren 10a) opera abeslaria izan zen, sopranoa. Luzaroan Vienako Estatu Operarekin (1912-1935) eta Metropolitan Operarekin (1921-1932) elkartutako soprano dramatiko moraviar ospetsua izan zen. Ospera egin zuen igoera zirraragarriak, edertasun ikusgarriak eta pertsonalitateak eman zioten The Moravian Thunderbolt ezizena.^[1][2][3]

1910. urtean Olomoucen Lohengrin operan egin zuen debuta, Elsa pertsonaia abestu eta antzeztu zuen. Francisco Jose enperadoreak entzun zuenean, berehala agindu zuen Vienako Estatu Opera inperialean kontrato bat eskaini ziezaiotela. Errepertorio zabala abestu zuen, Giuseppe Verdi, Wolfgang Amadeus Mozart eta Richard Wagnerren operak barne.

Richard Strauss alemaniar musikari eta konposatzailearen gustukoenetako sopranoa izan zen. Ariadneren rola sortu zuen Ariadne auf Naxos lanean (1912), enperatriza Die Frau ohne Schatten operan (1919), eta Marie/Marietta Erich Wolfgang Korngolden Die tote Stadt operan (1920). Azken rol horrekin egin zuen debuta 1921eko azaroaren 19an.

1926ko azaroaren 16an, Turandot operaren rol nagusia abestu eta antzeztu zuen Met-eko bere premier estatubatuarrean. Bertan, Leoš-Janáček konposatzailearen Jenufa operako protagonista (1924), Ermanno Wolf-Ferrari italiar musikagilearen I gioielli della Madonna (1925), Erich Wolfgang Korngoldenen Violanta (1927), Richard Straussen Die ägyptische Helena (Helena egiptoarra) (1928), Franst von Suppéren Boccaccio (1931), edo Donna Juanita (1932).

Bere ospea Met eszenatokian, Vienan bezala, ikaragarria izan zen, batez ere Tosca operan —Giacomo Pucciniren Tosce gogoenetako bat izan zen— , Carmen eta Jules Massenet frantses musikagilearen Thaïs lanean. Lotte Lehmann sopranoarekin —Straussen beste gogokoena— izan zuen lehia oso ezaguna izan zen.

Maria Jeritza New Jersey estatuko Orangen (AEB) hil zen 1982ko uztailaren 10ean, 94 urte zituela. North Arlingtoneko (New Jersey) Gurutze Santuaren Hilerrian dago lurperatuta.

• Maria Jeritza Find-A Graven (ingelesez)
• Biografia laburra (ingelesez)