Luzio Valerio Flako, K.a. 86an hil zena K.a. I. mendeko militar erromatar bat izan zen, kontsul erromatar kargua bete zuena K.a. 86an.
Edil izendatua K.a. 98an, Asia probintziako pretore eta gobernari izatera iritsi zen. Asiara abiatu aurretik, zor guztien hiru laurdenak baliogabetzen zituen lege bat aldarrikatu zuen.
K.a. 86an kontsul suffecto izendatua izan zen, hildako Gaio Marioren ordez eta Pontoko Erresumako erregea zen Mitridates VI.aren aurkako gerraren agintaritza jaso zuen. Grezian, Epiron lehorreratu zen, Senatuak Silaren aurka bidalia, baina bere tropek borrokatzeari uko egin zioten eta beraz Helespontora erretiratu zen. Urte horretan bertan hil zen, bere legatua zen Gaio Flavio Fimbriak bultzatutako matxinada batean.
