Lied (alemanezko hitza, «kantua» esan nahi duena; hizkuntza hartan, plurala lieder da) XIX. mendeko Alemaniako kantu-mota da. Testu poetikoetan oinarritzen da, ahots bakarrerako da, eta pianoaren laguntzaz kantatzen da gehienetan. Goetheren poema lirikoak inspirazio iturri izan ohi dira liedetarako. Schubert (600dik gora idatzi zituen), Schumann, Brahms, Wagner, Strauss eta Mahler dira, besteak beste, lieda gehien erabili zutenak.