Lesley Sue Goldstein,[1][2] Lesley Gore izenez ezaguna (New York, 1946ko maiatzaren 2a - 2015eko otsailaren 16a), abeslari, aktore, musikagile eta ekintzaile estatubatuarra izan zen.
Bizitza
Lesley Sue Goldstein[3] Brooklynen jaio zen, New Yorken, klase ertaineko familia judu batean. Leo Goldsteinen eta Ronny Gorenen alaba da. Aita Peter Panen[4]
jabea zen, haurrentzako bainu-arropa eta barruko arropa egiten zituena, eta ondoren, marka-lizentzien agente lider bihurtu zen arropa-industrian.
2005eko elkarrizketa batean, homosexuala zela adierazi zuen eta Lois Sasson luxuzko bitxien diseinatzailearekin harremanetan egon zela 1982tik. Berak bazekien homosexuala zela 20 urte zituenetik, eta adierazi zuen musikaren negozioa "erabat homofoboa" zela. Hala ere, "nire bizitza naturalki bizi izan dut eta egin nahi nuena egin dut", esan zuen.
Ibilbidea musikaren munduan
1963–1979: arrakasta komertziala
1963an "It's My Party"-ren bertsioa Quincy Jonesekin grabatu zuenean, bera bigarren hezkuntzako ikaslea zen oraindik. Abesti honekin izugarrizko arrakasta lortu zuen. Bertsioak milioi bat kopia baino gehiago saldu zituen eta urrezko errekor[5] lortu zuen.
Batxilergoa egin ondoren, abeslari gisa agertzen jarraitzen zuen bitartean, Gore Sarah Lawrence Collegen izan zen, literatura britainiarra eta amerikarra ikasten. Eskolan musika folklorikoa 'chic' gisa goraipatu zen, eta Pop musikari, berriz, 'uncool'-ez iseka egiten zitzaion maiz.
Gorek kontratu bat sinatu zuen Mercury Records-ekin bost urtez. Gore formalki kontratatu zioten Mercuryri seigarren urterako. Denbora horretan, "He Gives Me Love (La La La)", Eurovisioneko Abesti Lehiaketaren irabazle batean oinarritutako bertsio bakarra, # 96ra igo zuen Music Businessen zerrendetan.
1970ean, Crewe Records-ekin sinatu zuen. Bob Crewe ekoizlearekin bildu zen eta California Nights albuma egin zuen. 2005ean, "Ever Since" diskoa grabatu zuen Gorek, Blake Morgan ekoizle eta konpositorearekin, Engine Company Records etiketarekin. The New York Times, Rolling Stone, Billboard Magazine eta beste hainbat prentsa nazionalen kritikak jaso zituen albumak.
Konpositore bezala
Lesley Gorek 1980ko Fame filmeko soinu-bandarako abestiak konposatu zituen. 1996an Grace Of My Heart filmerako abesti bat idatzi zuen, "My Secrets Love".[6]
Lorpenak
1964an, "It's My Party" izendatu zuten Grammy Sarietako Rock and Roll grabaketa onenaren kategorian.
Irrati Publiko Nazionalak (NPR) Lesley Gore Sings Of Mixed-Up Hearts, Goreren bigarren albuma, emakumeek grabatutako 150 album onenetako baten eramaile izendatu zuen. Albumak zerrenda ofiziala galdu zuen (1964–orainaldia) 1963an kaleratu zuelako.
Musika konposatu zuen soinu-bandetarako, hala nola 1980an estreinatutako Fame filmerako. Film honetako «Out Of Here On My Own» abestia, Oscar sarietan abestirik onenaren kategorian izendatu tuten. Haren «You Don't Own Me» (1964) abestia, mugimendu feministaren ereserki batean bihurtu zena, 1996an ezagutarazi zuten berriro The First Wife Club filmean.
Heriotza
Lesley Gore bere bizitzan oinarritutako ikuskizun batean aritu zen lanean, 2015eko otsailaren 16an biriketako minbiziaz hil zenean[7], Manhattanen, 68 urte zituela.
Erreferentziak
