La Litera (La Llitera katalanez eta A Litera aragoieraz) Huescako probintziaren ekialdean dagoen eskualde mugakidea da, Aragoiko autonomia erkidegoaren barruan (Espainia) eta Lleidako probintzia]]ren ondoan (Katalunia).

Ekonomia abelzaintzan eta nekazaritzan sustatuta dago, eta arlo horiekin eta energia alternatiboekin lotuta dute industria.

Herriburuak dira Tamarit de Llitera eta Binéfar. Azalera 733,9 km²-koa dauka eta 2002an 18.666 biztanle zituen.

120.000 urte baino gehiagotan populaturik, Brontze Aroan eta iberiar garaian bereziki, aztarna arkeologikoek eskualdearen aberastasuna islatzen dute. Denboran aurrera osorik okupatu zuten musulmanek, Al-Andaluseko goiko mugetan, eta kristauek birkonkistatu zuten XII. mendearen erdialdean.

Eskualde mugakideak ditu iparraldean Ribagorza, ekialdean Noguera eta Segrià (Lleidako probintzia), hegoaldean Cinca Beherea, mendebaldean Cinca Erdialdea eta ipar-ekialdean Somontano de Barbastro.

Eskualdeko iparraldea aurre-piriniotan kokatuta dago n, Ribagorzaren jarraipen geografiko moduan. Zelaietan zerealak eta olibondoak tartekatzen dira artadiekin. Hegoaldean ordea Ebroko lautada dago. Ekialdean, bestela, Vessants de la Noguera Ribagorçana eta Serra Llarga-Secans de la Noguera ditu mugakideak.

1. Binéfar: 9.482 biztanle (2011).
2. Tamarite de Litera-Tamarit de Llitera: 3.711 biz.
3. Altorricón-El Torricó: 1.492 biz.
4. Albelda: 839 biz.
5. Alcampell: 762 biz.
6. Esplús: 654 biz.
7. San Esteban de Litera: 509 biz.
8. Vencillón-Vensilló: 467 biz.
9. Castillonroy-Castellonroi: 380 biz.
10. Peralta de Calasanz: 243 biz.
11. Camporrells: 182 biz.
12. Azanuy-Alins: 181 biz.
13. Baldellou: 119 biz.
14. Baells: 114 biz.

• (Gaztelaniaz)La Literako webgune ofiziala.