PROFILPELAJAR.COM

Karlskrona
	urban area in Sweden (en)
	Karlskronako Stortoget enparantza. Irudi gehiago
Administrazioa
Herrialdea	Suedia
Konderria	Blekinge
Izen ofiziala	Karlskrona
Posta kodea	371 xx
Geografia
Koordenatuak	56°11′32″N 15°37′51″E / 56.19221°N 15.630842°E
Azalera	21,72 km²
Altuera	16 m
Demografia
Biztanleria	36.423 (2023ko abenduaren 31); −481 (2020)
Dentsitatea	17 bizt/km²
Informazio gehigarria
Sorrera	1680
Telefono aurrizkia	0455
Ordu eremua	UTC+01:00 eta UTC+02:00
Hiri senidetuak	Hillerød, Ólafsfjörður, Klaipėda, Gdynia eta Rostock
	http://www.karlskrona.se/

Karlskrona Blekinge konderriko hiriburu eta hiri nagusia da. 2010ean 35.212 biztanle zituen. Bere hirigune barrokoagatik da ezaguna eta honetaz gain itsas-portua Gizateriaren Ondare izendatu zituen UNESCOk 1998an.

Etimologia

Karlskrona izenak "Karlosen koroa" esan nahi du, hiria sortu zuen Karlos IX.a Suediakoaren omenez.

Geografia

Blekinge uhartediko 30 uhartetan zehar hedatzen da, handiena Trossö da. Uharte gehienak ferri bidez loturik daude.

Historia

Hiria 1680an sortu zen, Suediako Itss Armadak Stockholm utzi eta ordurarte nekazal eremua izan zen Trossö uhartean egoitza ezarri zuenean. Itsaso Baltikoan nagusi zen Suedia eta toki estrategikoa zen berau. Hiria azkar hasi zen eta 1750 urterako 10.000 biztanle bazituen. Garai hartakoak dira oraindik hirian mantentzen diren eraikin barroko gehienak. Hiriaren egitura koadrikulatua ezarri zen hasieratik eta hala jarraitzen du, ondorioz haize korronte handiengatik ere ezagutzen da Karlskrona.

Itsas-portua

Karlskronako itsas-portua¹ UNESCOren gizateriaren ondarea

Mota	Kulturala
Irizpideak	ii, iv
Erreferentzia	871
Kokalekua	Suedia
Eskualdea²	Europa / Ipar Amerika
Izen ematea	1998 (XXII. bilkura)
¹ UNESCOk jarritako izen ofiziala (euskaratua) ² UNESCOren sailkapena

Itsas-portua hiriarekin batera ezarri zen. 1711 urtean Suediako ontziola handiena zegoen bertan, 1.100 langile zituen. Polhem dikea, ezarritako lehena, oraindik erabilgarri dago.

Erlijioa

Hiru eliza nagusi daude hirian:

Federikoren eliza: 1720 eta 1744 artean eraiki zuen Nicodemus Tessin Gaztea arkitektoak. Stortorget enparantzan dago.
Hirutasun Santuaren eliza: 1697 eta 1709 artean eraiki zen, hau ere Tessin-en diseinuei jarraituz. Merkatu plazaren erdian kokaturik dago.
Karlskronako Almirante eliza: 1685 urtekoa da.

Kultura

Suediako plazarik handiena da Karlskronako Stortorget enparantza eta bertan Lövmarknaden feria ospatzen da udako solstizioaren bezperan. Uztaila eta abuztuan The Sail jaialdia ere izaten da Karlskronako portuan.