Julen Agirrezabala
Bizitza
Jaiotzako izen-deiturak	Julen Agirrezabala Astulez
Jaiotza	Errenteria, 2000ko abenduaren 26a (23 urte)
Herrialdea	Gipuzkoa, Euskal Herria
Familia
Aita	Juanjo Agirrezabala Mantxola
Jarduerak
Jarduerak	futbolaria
Ibilbidea Taldeak Urteak J G Touring Kirol Elkartea 2011 / 2014 Antiguoko Kirol Elkartea 2014 / 2018 Athletic 2018 / 2019 Baskonia Kirol Kluba 2019 / 2020 19 0 Bilbao Athletic 2020 / 41 0 Athletic 2021 / 36 0 Espainiako 21 urtetik beherako futbol selekzioa 2021 / 8 0 Euskal Herriko futbol selekzioa 2024 / 1 0
Posizio edo espezialitatea	futbol atezaina
Kirol zenbakia	13
Lateralitatea	ezkertia
Altuera	1,87 metro

Julen Agirrezabala Astulez (Errenteria, Gipuzkoa, 2000ko abenduaren 26a) Euskal Herriko futbolaria da. Touring Kirol Elkartean hasi zuen futbolari ibilbidea eta gaur egun atezain lanetan aritzen da Athletic taldean. 2024ko Errege Kopako finala jokatu eta irabazi zuen.

Errenteriakoa, 2011. urtean hasi zen bertako Touring Kirol Elkartean jokatzen, 2014 urtean Donostiako Antiguoko taldean sartu aurretik. Donostiako klubean lau denboraldi egin ondoren, 2018an Athleticek Lezamara deitu zuen bere gazte-taldean jokatzeko. Urtebete geroago, Hirugarren Mailako Baskonia taldera promozionatu zuen. 2020an Bilbao Athletic taldearekin Bigarren B Mailan jokatzen hasi zen. Kategoriako ere lehen partidan,, funtsezkoa izan zen Portugaleteren aurkako garaipenean (2-3), penalti bat geldituz. Filialean errendimendu ona zela eta, 2021eko martxoan, kontratua berritu zuen 2025 ekainera arte.

2021eko ekainean, Iago Herrerínek taldea utzi ondoren, klub zuri-gorriak iragarri zuen Athleticen lehen taldearekin aurre denboraldia egingo zuen bost futbolarietako bat izango zela. Abuztuaren 16an Lehen Mailan egin zuen debuta, Elxeren aurka (0-0), Martínez Valero estadioan, eta horrela Athleticen azken mende erdiko laugarren atezain goiztiarrena bihurtu zen. Denboraldian Errege Kopako partidak jokatu zituen Unai Simonen aurretik. Taldea kopan kanporatua gelditu zen finalerdietan Valentzia CFren aurrean galdu ostean, aurreko bi kanporaketetan Bartzelona eta Real Madril kanporatu ondoren.

2022-23 denboraldiari begira, lehen taldearen fitxa egin zuen. Gainera, Marcelinok bezala, Ernesto Valverdek Errege Koparen titulartasuna eman zion, eta han denboraldi ona egin zuen finalerdietan Osasunak kanporatu zituen arte. 2023-24 denboraldian titular gisa jarraitu zuen kopa lehiaketan, eta han nabarmendu final-laurdenetan Alavesen aurka eta final-erdietan Atletico Madrilen aurka jokatutako partidak.

Athleticek irabazitako 2024ko Errege Kopako finalean atezain titularra izan zen eta parte hartze nabarmena izan zuen, besteak beste penaltien tandan Mallorcaren bigarren jaurtiketa gelditu zuelarik.

2021eko abuztuaren 26an, 21 urtez azpikoen selekzio espainiarrak deitu zuen Eurokopa sub-21rako bi sailkapen partida jokatzeko. Urriaren 8an, titular gisa jokatu zuen La Cartujan Eslovakiaren aurkako garaipenean (3-2). 2023ko ekainaren 2an, Espainiako 21 urtez azpiko selekzioarekin Errumania-Georgiako 2023 Eurokopa sub21jokatzeko deitu zuen. Txapelketa horretan Arnau Tenasen ordezkoa izan zen, eta jokatu zuen Ukrainaren aurkako taldeen faseko hirugarren partidan.

2024ko martxoaren 23an Euskal Herriko futbol selekzioa eta Uruguaiko selekzioaren arteko partida jokatzeko deialdian sartu zuen Jagoba Arrasate hautatzaileak.^[1] Banako berdinketarekin (1-1) amaitu zen partida.^[2]

2023ko ekainaren 30ean eguneratua. Datu ofizialak.

Taldea	Maila	Denboraldia	Liga		Kopa		Champions League		Europa League		Conference League		Superkopa		Denera
			JP	G	JP	G	JP	G	JP	G	JP	G	JP	G	JP	G
Baskonia	3.	2019/20	19	(19)	-	-	-	-	-	-			-	-	19	(19)
	Denera		19	(19)	-	-	-	-	-	-			-	-	19	(19)
Bilbao Athletic	2.B	2020/21	14	(12)	-	-	-	-	-	-			-	-	14	(12)
	1.F	2021/22	27	(33)	-	-	-	-	-	-	-	-	-	-	27	(33)
	Denera		41	(45)	-	-	-	-	-	-	-	-	-	-	41	(45)
Athletic	1.	2021/22	4	(5)	5	(4)	-	-	-	-	-	-	0	0	9	(9)
	1.	2022/23	8	(6)	7	(4)	-	-	-	-	-	-	-	-	15	(10)
	1.	2023/24	4	(4)	8	(4)	-	-	-	-	-	-	-	-	12	(8)
	1.	2024/25	-	-	-	-	-	-	-	-	-	-	-	-	-	-
	Denera		16	(15)	20	(12)	-	-	-	-	-	-	0	0	36	(27)
Ibilbide osoan			78	(79)	20	(12)	-	-	-	-	-	-	0	0	96	(91)

• 23-24 Kopa

2023ko abuztuaren 23an Errenteriako Fanderiako futbol zelaian ospatu zen Errenteria Hiria Txapelketan, omenaldia egin zion Julenen harrobi taldea izandako Touring Kirol Elkarteak.^[3]

Juanjo Agirrezabala Mantxola politikari ohiaren semea da. Juanjo, Eusko Alkartasuna alderdiko bozeramailea (2010-2012) eta Eusko Legebiltzarreko bigarren lehendakariordea izan zen Bildu koalizioarekin.

• Fitxa - www.athletic-club.eus