Ilunabar Aldea (1959ko telesaila)
Jatorria
Sortzailea(k)	Rod Serling
Izenburua	The Twilight Zone
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Sasoi kopurua	5
Atalak	156
Banatze bidea	eskatu ahalako bideo
Honen izena darama	Krepuskulu
Ezaugarriak
Genero artistikoa	fantasy television series (en) , zientzia-fikzioa, telesail antologikoa eta beldurrezko telesaila
Kolorea	zuri-beltzekoa
Antzezlea(k)
Rod Serling
Ekoizpena
Ekoizlea	Buck Houghton (en) [[Kategoria:Buck Houghton (en) ekoitzitako telesailak]]
Ekoizle eragilea	Rod Serling
Bestelako lanak
Musikagilea	Bernard Herrmann Jerrald Goldsmith Leonard Rosenman Franz Waxman (en)
Emanaldia
Jatorrizko igorlea	CBS
Hasiera-data	1959ko urriaren 2a
Amaiera-data	1964ko ekainaren 19a
Historia
Jasotako sariak	Hugo Award for Best Dramatic Presentation (en) Hugo Award for Best Dramatic Presentation (en) Hugo Award for Best Dramatic Presentation (en)
Nominazioak	Hugo Award for Best Dramatic Presentation (en)
cbs.com…

Ilunabar Aldea^[1] (ingelesez: The Twilight Zone) AEBtako zientzia-fikzio, fantasia eta suspensezko telesail bat da. 1959ko urriaren 2tik 1964ko ekainaren 19ra CBS katean aireratu zen. Denera 156 atal izan zituen eta 5 denboraldiz aireratu zen.

Telesaila estreinatu zen garaian berehalako eta sekulako arrakasta izan zuen eta ikusle andana bildu ohi zuen telebistaren inguruan. Arrakasta honi esker jatorrizko zuri-beltzeko telesaila klasiko honetaz gain, gerora telesailaren bertsio modernizatu berriak aireratu izan dira, bakoitza aireratua izan zen garaiko gizarteari egokitua, Ilunabar Aldea (1985eko telesaila) eta Ilunabar Aldea (2002eko telesaila), bai eta zinemarako Twilight Zone: The Movie (1983) filma eta telebistarako Twilight Zone: Rod Serling's Lost Classics (1994) telefilma ere.

Sarrerako eta amaierako musikaren doinu edo gitarra riffa telesailaren ikur bilakatu zen, hura entzutearekin bakarrik jendeak telesail honekin lotzen baitu, ondorioz telesaila honetan nahiz hurrengo bertsioetan erabilia izan da.

Euskal Herrian bai ETB1ean euskaraz nahiz ETB2an gaztelaniaz aireratu izan da.

Ilunabar Aldea telesailak zientzia-fikziozko literatura generoko idazle prestigiotsu askoren gidoiak izan zituen, tartean Charles Beaumont, Richard Matheson, Jerry Sohl, George Clayton Johnson, Earl Hamner Jr., Reginald Rose eta Ray Bradbury. Atal asko Ambrose Bierce, Lewis Padgett, Jerome Bixby eta Damon Knight idazleen idazlanen egokitzapena izan ziren.

Telesail honetako atalak zuzendu zituzten zinemagileen artean honakoak daude: Abner Biberman, Richard Donner, Robert Florey, Mitchell Leisen, Robert Parrish, Ted Post, Stuart Rosenberg, Richard C. Sarafian eta Don Siegel.

Atal asko Hollywoodeko aktore ospetsuek antzeztu zituzten, adibidez: Dana Andrews, Martin Balsam, Charles Bronson, John Dehner, Andy Devine, Dan Duryea, Robert Duvall, Peter Falk, Anne Francis, Dennis Hopper, Buster Keaton, Jack Klugman, Martin Landau, Ida Lupino, Lee Marvin, Kevin McCarthy, Burgess Meredith, Vera Miles, Elizabeth Montgomery, Agnes Moorehead, Leonard Nimoy, Warren Oates, Donald Pleasence, Robert Redford, Burt Reynolds, Cliff Robertson, Mickey Rooney, Telly Savalas, William Shatner, Inger Stevens, Rod Taylor, Lee Van Cleef, Jack Warden, James Whitmore, Dick York eta Gig Young.

Rod Serling bera atal guztien sarrerako narratzailea izateaz gain, saioaren hasieran ere agertzen zen.

• Ilunabar Aldea telesailaren sarrera ikusgai. Youtube.com (Ingelesez)
• Ilunabar Aldea telesailaren IMDBko fitxa irakugai (Ingelesez)