Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Hiposomatotropismoa somatotropinaren (hazkunde hormona) eskasia da, eta nanismoa dakar.

Gaixotasunaren arrazoiak hiru izan daitezke:

• Hipotalamoko lesioak: hazkunde hormonaren hormona askatzailearen jarioan alterazioak.
• Hipofisiaren alterazioak: zelula somatotropoen gabezi kongenitoa edo GH molekularen akatsak.
• Arazo periferikoak: hormonarentzat hartzaile gutxi.

• Haurretan hazte abiadura gutxitua dago; eta, ondorioz, tamaina txikia hartzen dute.
• Hezurren umotze atzeratua.
• Pubertaroa atzeratu egiten da (18-20 urte) nahiz eta heldutasun sexual osoa lortzen den.
• Ehun proteikoa gutxi garatua: garapen muskular eskasa, larruazal mehea eta laringearen garapen eskas (ahotsa akutua).
• Hipogluzemiarako joera
• Gorputz enbor gizentasunerako joera.