Haukadalur (islandieraz: 'hœiːkaˌtaːlʏr̥, Norvegiera zaharraz: Haukadalr ˈhɔukɑˌdɑlz̠, edo "belatz harana") Islandiako bailara bat da. Islandiako hegoaldean dago, Laugarvatn lakuaren iparraldean.
Geiserrak
Haukadalurren barruan daude Islandiako leku interesgarrienetako batzuk: geyserrak eta Laugarfjall erriolitazko laba-domoan garatu diren beste ezaugarri geotermiko batzuk. Haukadalurreko geiserrik handienak Strokkur eta Geysir bera dira, geiser hitza eman ziguna. Strokkur oso fidagarria da eta 5-10 minutuan behin erupzio egiten du; Geysir handienak, berriz, oso gutxitan egiten du erupzioa. Horiez gain, inguruan badira ur termal txikiagoak, buztinezko eltzeak eta fumarolak, guztira 40 baino gehiago.
Haukadalurreko eremu geotermikoaz azaldu ziren lehen aipamen idatziak 1294 ingurukoak dira, lurrikara batek tokiko iturri termalak aktibatu zituenean. Jakina da, halaber, lurrikarek tokiko geiserrak aktibatu dituztela iragan hurbilean, 2000ko uztailaren 17an eta 21ean gertatutako lurrikarak barne. Geiserrak direla eta, harana erakarpen turistiko jendetsua izan da XVIII. mendetik.
Hurbileko ikusgarriak
Gullfoss ur-jauzia 10 km iparraldera dago, Islandiako Lur Garaietarantz, Kjölur errepidean. Gullfoss ur-jauzi eta Þingvellir bailararekin batera, Haukadalur Urrezko Zirkuluaren parte da.
Irudi-galeria
-
Haukadalur 2017ko irailean
-
Haukadalur May 2016ko maiatzean
-
Haukadalurreko geiserrak
-
eremu geotermikoa Geysir herrian
-
Litli Geysir, Haukadalur
Erreferentziak
Kanpo estekak
