Galesko Printzearen uhartea (ingelesez, Prince of Wales Island) Alexander artxipelagoko uharteetako bat da, Alaskako hego-ekialdean. 6.674 km ² -rekin, Estatu Batuetako hirugarren uharterik handiena da, Hawaii eta Kodiak uharteen ondoren.
Geografia
Uharteak 217 kilometro luze eta 72 km zabal egiten ditu, eta 6.674 km ² ditu. 6.000 pertsona inguru bizi dira uhartean, eta Craig da komunitate garrantzitsuena, 20. mendearen hasieran sortua, 1.300 biztanle inguru dituelarik .[1] 750 pertsona inguru bizi dira Klawock herrian, arrantza-tradizio handiko herrian.
Uhartean fiordo eta baso trinko asko daude. Hedadura karstiko handiak daude, besteak beste, 200 metroko sakonerako El Capitan Pit putzua, Estatu Batuetako putzu karstiko sakonena. Tongass baso nazionalak estaltzen du uhartearen zatirik handiena. Klima hezea da.
Historia
Uharteko herri indigenak dira Tlingit herria uhartearen iparraldean, eta Haida herria hegoaldean.[2] Tlingiterazko Taan izenarekin ere ezaguna da uhartea.[3]
1741ean, Aleksei Txírikovek, Vitus Beringen bigarren bidaian, uharteko lehen lehorreratze europarra egin zuen. Espainiarrek 1775ean erreklamatu zuten. 1778ko espedizio britainiar batek, James Cooken agindupean, lurraldea kartografiatu zuen, eta La Perouseko kondearen espedizio frantsesak bisita egin zuen 1786an.[4] Urrezko meatzeak ustiatu ziren xix. mendean eta, 20. mendean, uranioa.[5][6]
21. mendean, izokinen arrantza komertziala eta turismoa dira oinarri ekonomikoak.
Erreferentziak
Kanpo estekak
