Funanbulismoa airean dagoen alanbre eta soka mehe baten gainean ibiltzearen artea da. Tradizio handiko jarduera da eta, askotan, zirkoari loturik egoten da.
21. mendean modan jarri den aldagai bat soka malguaren gainean egindakoa da, slackline ere esaten zaiona, eta arrisku txikiagoarekin bi zuhaitz edo posteren artean altuera txikian ere praktikatu daitekeena.[1]
Funanbulismoaren historian gogoratzen den erronkarik ikusgarriena Philippe Petit frantsesak egin zuen 1974, baimenik gabe New York-eko Dorre Bikien artean alanbrea jarri eta lurretik 400 metrora batetik bestera igaro zuenean, 61 metroko alanbrea oinez igaroz, Man on Wire film dokumentalak kontatzen duen istorioa.[2]
Soka malguaren aldekoek ere egin izan dituzten antzeko balentriak gerora. Yosemite mendietan Lost Arrow esaten zaion huts bat bada, 17 metroko tartea, lurra beherago 800 metrora delarik; eta hori Scott Balcomek igaro zuen soka malguan lehen aldiz 1985ean. 2010. urtean Iñigo Larrañaga Txirrita euskal funanbulistak 2010ean egin zien Lost Arrowko igaroaldia.[1]
