Fleur Adcock
Bizitza
Jaiotzako izen-deiturak	Kareen Fleur Adcock
Jaiotza	Papakura (en) , 1934ko otsailaren 10a
Herrialdea	Zeelanda Berria
Heriotza	Londres, 2024ko urriaren 10a (90 urte)
Familia
Aita	Cyril Adcock
Ama	Irene Adcock
Ezkontidea(k)	Alistair Campbell (en)  (1952 -  1958) Barry Crump (en)  (1962 -  1963)
Haurrideak	ikusi Marilyn Duckworth (en)
Hezkuntza
Heziketa	Victoria University of Wellington (en) 1956) Arte-masterra : Klasiko
Hizkuntzak	ingelesa
Jarduerak
Jarduerak	poeta, itzultzailea eta editore-laguntzailea
Jasotako sariak	ikusi Britainiar Inperioko Ordenaren ofiziala  (1996) Cholmondeley Award King’s / Queen’s Gold Medal for Poetry Fellow of the Royal Society of Literature  (1984) Fellow of the Academy of New Zealand Literature Prime Minister's Award for Literary Achievement (Poetry)  (2019) Companion of the New Zealand Order of Merit  (2008) ohorezko doktore honorary doctor of Victoria University of Wellington  (2007)
Kidetza	Errege Literatura Elkartea

Kareen Fleur Adcock (Auckland, Zeelanda Berria, 1934ko otsailaren 10a – Londres, 2024ko urriaren 10a) zeelandaberritar olerkaria izan zen.

Bost urte zituela bere herrialdea utzi eta Ingalaterrara joan zen, eta han egin zituen ikasketak, aitak irakasten zuen ikastetxeetan. Zeelanda Berrira itzuli zenean, bertako Victoria Unibertsitatean lizentziatu eta 1958-1963 bitartean irakasle eta liburuzain-lanak egin zituen. Zeelanda Berriko bizimoduarekin atsekabeturik, Ingalaterrara itzuli eta, Kanpo Arazoetako ministerio eta Commonwealth erakundeen liburutegian, laguntzaile-postuan lan egin zuen 1979 arte. Urte horretan, idazte-lanari buru-belarri heltzea erabaki zuen.

Zeelanda Berriko Wellingtonen argitaratu zuen bere lehen poema-liburua, "Urakanaren begia" (1964), zeinaren zati bat Londresen berrargitaratu zen "Tigreak" titulupean (1967). Liburu hauetan jadanik finkaturik agertzen da Adcocken estilo argi, ironiko eta lasaia. Estilo horixe erabili du, orobat, gai sozial, politiko eta pertsonalak azaltzeko, hain harrera ona izan duen "Bideratua" (1977) liburuaren kasuan bezala. "Ustekabeko liburua" izenekoan (1986), haurtzaroari eta gizonei buruzko olerki bikainak idatzi zituen; "Aldi baterako eremua" liburuan berriz (1991), etxeko gaietatik hasi eta egungo gatazka politikoetarainoko era guztietako arazoak azaltzen ditu, besteak beste, energia nuklearraren aurka eta ekologiaren alde agertuz.

Adcocken zehaztasunak, ironiak eta garraztasunak guztiz atsegina eta irakurgarria bilakatzen dute bere poesia. 1983an bere "Olerki Hautatuak" argitaratu ziren. 2008. urtean, Zeelanda Berriko Meritu Ordena jaso zuen.

• Collected Poems (2024)
• The Mermaid's Tale (2021)
• Collected Poems (2021)
• Hoard (2017)
• The Land Ballot (2014)
• Glass Wings (2013)
• Dragon Talk (2010)
• Poems 1960-2000 (2000)
• Looking Back (1997)
• Selected Poems (1991)
• Time-zones (1991)
• Meeting the Comet (1988)
• The Incident Book (1986)
• Hotspur: a ballad (1986)
• Selected Poems (1983)
• Below Loughrig (1979)
• The Inner Harbour (1979)
• The Scenic Route (1974)
• High Tide in the Garden (1971)
• Tigers (1967)
• Eye of the Hurricane (1964)

• Ingelesezko literatura