Iletsuaren ezaugarri nagusia, duen ilea da. Ile asko du, eta hankak estaltzen dizkio. Ilearen kolorea horixka edota kanela kolorekoa da.
Beste barietatearekin alderatuz gero, ile luzeagoa dute bizkarraldean eta aurreko hanketan. Bularra ere zabalagoa dute, buru handiagoa ere bai eta belarriak beti erorita dauzkate[3].
Arrek batazbeste 53,87 zm. neurtzen dute bizkar-gurutzean. 17-33 kiloko pisua izaten dute normalean.
Izaerari dagokionez, txakur leiala da. Iletsua betidanik erabili izan da artaldeak zaintzeko eta gidatzeko.
