Elisabeth Welhaven

Elisabeth Welhaven
Bizitza
JaiotzaBergen, 1815eko martxoaren 6a
Herrialdea Norvegia
HeriotzaChristiania, 1901eko uztailaren 26a (86 urte)
Hobiratze lekuaVår Frelsers gravlund (en) Itzuli
Familia
AitaJohan Ernst Welhaven
AmaElse Margrethe Cammermeyer
Haurrideak
Hezkuntza
Hizkuntzaknorvegiera
Jarduerak
Jarduerakidazlea

Elisabeth Cathrine (Lise) Welhaven (Bergen, 1815eko martxoaren 6a – Kristiania, 1901eko uztailaren 26a) norvegiar idazlea izan zen.

Bizitza pertsonala

Johan Ernst Welhaven apaiz luterotarraren eta Else Margrethe Cammermeyerren alaba, Elisabeth Welhaven Bergenen jaio zen. Johan Sebastian Welhaven idazlearen arreba eta Maren Sars socialitearen ahizpa zen[1].

Ez zen inoiz ezkondu. Maren ahizparen bitartez, Michael Sars apaiz eta irakaslearen ezkonahizpa eta Ernst Sars irakasle, historialari, idazle eta argitaratzailearen, Georg Ossian Sars biologoaren eta Eva Nansen abeslariaren izeba zen. Johan Sebastian nebaren bitartez, Hjalmar Welhaven arkitektoaren izeba zen[1], eta Johan Andreas izeneko beste nebaren bitartez Kristian Welhaven poliziaren izeba[2].

Ibilbidea

Bergenen hazi zen, baina hamahiru urte zituela, aita hil zitzaion, eta Elisabeth Michael eta Maren Sarsekin bizitzera joan zen, lehenik Mangerra eta 1854an Kristianiara[1]. Familiaren etxea Norvegiako hiriburuko herritar liberal eta intelektualen topaleku nabarmena bihurtu zen, eta «Kristianiako lehen saloi» bezala ezaguna egin zen[3]. Welhavenek saloian zuen papera istorioak kontatzea zen, eta behin eta gonbidatuetako batek, Hartvig Lassen argitaratzaileak ipuinak idaztera bultzatu zuen eta hainbat idazlan Skilling-Magazin aldizkarian argitaratu zituen. 1870ean Fra Staden og Stranden ipuin bilduma kaleratu zen, eta 1871n Fra gamle dage. Geroago berrargitaratu ziren, 1881ean Fra staden og stranden izenburupean eta 1897an Fortællinger fra det gamle Bergen izenburupean. Ipuinek, neurri handi batean, egileak Bergenen izandako haurtzaroko esperientzietan oinarria zuten[1].

Welhaven 1901eko uztailean hil zen, Maren Sars hil eta hiru urtera[1].

Lanak

  • Fra Staden og Stranden: Smaaskildringer (1870)
  • Fra gamle dage: skisser (1871)
  • Fra staden og stranden (1881)
  • Fortællinger fra det gamle Bergen (1897)

Erreferentziak

  1. ↑ a b c d e (Norvegieraz [bokmål]) Aasen, Elisabeth. «Elisabeth Welhaven» in Helle, Knut. Norsk biografisk leksikon. Oslo: Kunnskapsforlaget 2024-11-26 (Noiz kontsultatua: 2025-01-11).
  2. ↑ (Norvegieraz [bokmål]) Jørgensen, Jørn-Kr. «Kristian Welhaven» in Helle, Knut. Norsk biografisk leksikon. Oslo: Kunnskapsforlaget 2024-11-25 (Noiz kontsultatua: 2025-01-11).
  3. ↑ (Norvegieraz [bokmål]) Arntzen, Jon Gunnar. «Maren Sars» in Henriksen, Petter. Store norske leksikon. Oslo: Kunnskapsforlaget 2024-01-26 (Noiz kontsultatua: 2025-01-11).

Kanpo estekak