El Cover 2021eko filma da, Secun de la Rosa kataluniar zinema zuzendariak zuzendutako komedia musikal eta erromantikoa. Alex Monner eta Marina Salas dira protagonistak.[1][2]
Sinopsia
Oharra: Atal honek istorio osoa edo amaiera argitzen du.
Musikarekiko maitasuna eta porrot egiteko beldurra; horiek dira Daniren ezaugarriak. Zerbitzari gisa lan egiten du, eta, urtero bezala, aurten ere artistaz bete da lantoki duen taberna. Horrela ezagutuko du Sandra, eta aldatu egingo dio artearekin duen harremana.[2]
Musika
Hainbat talderen abesti-bertsioak ("cover") biltzen dituen soinu-banda du filmak, besteak beste hauek: The Killers, Erasure, Amy Winehouse, Lady Gaga, Shirley Bassey, Gloria Gaynor, La Marelu, Loquillo, Antonio Vega, Nena Daconte eta Raphael. Gainera, Antonio Orozcok konposatu eta interpretatutako abesti berri esklusibo bat ere azaltzen da. Zenbait artistaren ahotsak ere entzuten dira filmean: Rocío Márquez («Mala de Marelu»), Kexxy Pardo («Ring My Bell») eta Agoney («Little Respect»). Esperanza Rancapino flamenko abeslaria ere agertzen da eta Vicente de Castro "Parrita" ren kameo bat egongo da. BSOk Universal Music albuma plazaratu zuen. Formatu digitalean eta binilozko edizio esklusibo batean jarri zuten salgai, zinema-aretoetako estreinaldiarekin batera.[3]
Aktoreak
Erreferentziak
Kanpo estekak
