Chris Hani
(2015) Irudi gehiago
Bizitza
Jaiotzako izen-deiturak	Martin Thembisile Hani, Martin Thembisile
Jaiotza	Lurmutur Ekialdea eta Transkei, 1942ko ekainaren 28a
Herrialdea	Hegoafrika
Heriotza	Boksburg (en) , 1993ko apirilaren 10a (50 urte)
Heriotza modua	giza hilketa: deliberate murder (en)
Hiltzailea	Janusz Waluś (en)
Hezkuntza
Heziketa	Fort Hareko Unibertsitatea Rhodes University (en)
Hizkuntzak	ingelesa
Jarduerak
Jarduerak	politikaria
Mugimendua	Internal resistance to South African apartheid (en)
Sinesmenak eta ideologia
Alderdi politikoa	Afrikako Kongresu Nazionala Hegoafrikako Alderdi Komunista

Martin Thembisile Hani, ezagunagoa Chris Hani gisa (Cofimvaba, Hegoafrika, 1942 – Boksburg, Hegoafrika, 1993ko apirilaren 10a), hegoafrikar politikari eta ekintzailea izan zen.

Hegoafrikako Alderdi Komunistaren idazkari nagusia 1991-1993 bitartean, eta Afrikako Kongresu Nazional (ANC) alderdi abertzalearen adar militarraren (Umkhonto we Sizwe) buruzagia 1987-1991 bitartean.

Hamabost urte zituela, ANCko gazterietako kide egin zen. Latina eta klasikoak ikasi zituen, Fort Hare Unibertsitatean, 1959-1961 bitartean, eta Rhodes Unibertsitatean gero. Apaizgaitegian sartzekotan egon zen, eta zuzenbide-ikasketak hastekotan, baina Umkhontoko eta alderdi komunistako militantziari eman zion lehentasuna. Entrenamendu militarra jaso ondoren, beltz nazionalistekin borrokatu zen Rhodesian, eta gerrilla talde bateko buru izan zen. ANCko batzorde betearazleko kide hautatu zuten 1974an, eta Umkhontoko bigarren komandante 1982an.

1991n, Umkhontoko buruzagitza utzita, bere gain hartu zuen alderdi komunistako idazkaritza nagusia. Lehoikumeak taldeko buruzagi nagusietako bat izan zen, eta Nelson Mandela eta Oliver Tambo buruzagi zaharrek ez bezala, indarkeriaren erabilera defendatu zuen. 1993ko apirilaren 10ean tiroz hil zuten etxeko atarian.