Borda jauregia edo Bordakoetxea Nafarroako Baztan eskualdeko Amaiur udalerrian dagoen jauregia da.
Kokalekua
Herriguneko kale Nagusiaren amaieran dago, Arretxea jauregiaren parean.
Historia
Borda jauregia 1702an eraiki zen, negozioetan goruntz egin zuen Amaiurko familia baten islada gisa: Borda familia[1]. 1728an bere jabeek jauregi hau Armategi Buru (gaztelaniaz Cabo de Armería) mailara goratzea lortu zuten.
Eraikina
Baztanen hain ohikoa den harlandu gorrizko eraikina da, lau maldetako teilatua duelarik. Behe solairuko atari nagusia puntu erdiko bost arkuko arkupe batez osaturik dago. Lehen solairuan bost leiho barne hartzen dituen balkoi zabala du. Azken solairuan berriz, lau leiho eta hauen erdian armarria ikus daitezke.
Bordakoetxea edo Borda jauregiak 1.401,06 metro karratuko azalera osoa edukiko du. Behe solairuan zerbitzu amankomunak kokatuko dira: egongelak, harrera, taberna, jangela, sukaldea eta zerbitzuak, aldiz gainontzeko goiko saolairuek zazpi logela eta batzar areto edo egongela txiki bat izango dute. Proiektua Iruñeko Miguel Angel Garaikoetxea Urrizak burutu du[2].
Hotelaren proiektua
XX. mendean urte askoz eta 1996. urterarte goardia zibilaren egoitza izan zen. 2005ean Espainiako Barne Ministerioak enkantera atera zuen eta birritan inork erosten ez ahalegindu ostean, azkenik PalacioBorda SL elkarte kataluniarrak 536.905 eurorengatik erosi zuen, eraikin hau hotela bilakatzeko asmoz.
Erreferentziak
Kanpo estekak
