Bonifazio Etxeberria Orbea (Eibar, Gipuzkoa, 1859ko ekainaren 5a - 1951ko urtarrilaren 8a) industria gizona izan zen.
Bizitza
Armagile familia batean jaioa, Julian anaia Eibarko Armeria Eskolako zuzendari izan zen eta Polonia arreba eskola-maistra; biak dituzte jaioterrian euren omenezko kale bana. Ikasketak Madrilen eginda, atzera Eibarra itzuli zen, eta 1905ean Bonifacio Echeverría arma-fabrika sortu zuen bertan. «Izarra» izeneko pistola automatikoak eginez hasi zen, gero «STAR» deitu zirenak. Bizitzako alor asko jorratu zituen Eibarren; besteak beste, kantuan ere jarduten zuen, tenor-ahotsa zuenelako.
Erreferentziak
