Bilboko Merkataritza Eskola edo EHUko Ekonomia eta Enpresa Fakultatea - Elkano Atala 1818an sortutako negozio eskola da, espainiar estatuko lehenengoa eta mundu mailan sortu ziren lehenetarikoa.[1]
Historia
Bilbon merkataritza ikasketak emateko eskola baten irekiera baimentzen zuen erregearen idatzia argiratu zen 1818ko uztailaren 9an.[1] 1819ko martxoaren 1ean hasi zen eskolak ematen.[2]
Bilboko Kontsuletxearen, Merkataritzako Lanbide Eskolaren eta Merkataritzako Goi Ikasketen Eskolaren babes eta laguntzarekin sortu zen.[3] Eskolaren lehenengo egoitzaBilboko Kontsulatuak Bilboko udaletxean zuen goiko solairua izan zen.[2] Ondoren, Elkano kalera mugitu zen.[4]
Egun, Euskal Herriko Unibertsitatearen Ekonomia eta Enpresa Fakultatearen parte da.[5]
Ikasle ohi esanguratsuak
Berrehun urteren buruan asko izan dira eskolatik pasa izan diren ikasleak, haien artean pertsonaia esanguratsu ugari, besteak beste, Miguel Delibes eta Gabriel Aresti idazleak, José Luís Berasategui, Josune Gorospe eta Jon Zabalía politikariak, Marta Ubieta abeslaria, Milagros García Crespo ekonomialaria eta Edu Alonso eta Xabier Eskurza futbolariak.[6]
Sariak eta aitortzak
Eskolaren 200. urteurrena ospatzeko asmoarekin, 2019an, Espainiako Loteria Nazionalak eskolaren eraikinaren irudia zuen dezimo bat argitaratu zuen.[7] Urte berean, ONCEk kupoi bat eskaini zion.[7]
Erreferentziak
Ikus, gainera
Kanpo estekak
EHUko Ekonomia eta Enpresa Fakultatea (Elkano) - webgune ofiziala
