Bigarren Koalizioa
Borrokalariak
Austria inperiala Prusia Erresuma Batua Errusia Portugal Sardinia Otomandar Inperioa Holandako Errepublika Napoliko Erresuma	Frantziako Gobernu Iraultzaileak Espainia Frantziak sortutako errepublikak: Bataviar Errepublika Helvetiar Errepublika Errepublika Zisalpinoa Erromako Errepublika Partenopear Errepublika

Bigarren Koalizioa (1799-1802) Frantzia Iraultzailea geldiarazteko bigarren aldiz Europako zenbait boterek burututako ahalegin militarrari ematen zaion izena.

Napoleon Bonaparte Egiptoko espedizioaren buruan zegoen bitartean, Frantziako aurkariek aliantza berria prestatu zuten haren aurreko konkistak desegiteko. Austriak eta Errusiak armada berriak bildu zituzten Alemaniako eta Italiako kanpainetarako.

Lehenengo ekintza militarra Napolik burutu zuen 1798an, Erroma hartu baitzuen urriaren 28an. Hala ere, urtea amaitu aurretik bere mendetik at geratu zen berriro. Iparraldeagoan, Po ibaiaren aldean, Errusiak Moreau buru zuen armada frantziarra garaitu zuen, Alpeetara eta Genova aldera mugiaraziz. Dena den, Errusia Helvetiar Errepublikara (Suitza) iritsi zenean, Andre Massenak menderatu zituen.

Alemanian, Austriako armadek Jean-Baptiste Jourdan buru zuten frantziarrak Rhinen atzealdera mugiarazi zituzten. Suitzan ere garaipenak eskuratu zituzten austriarrek.

Egiptotik itzuli ostean, Napoleonek Frantziaren gaineko kontrola bereganatu zuen estatu-kolpe baten bidez. Frantziako armadak berrantolatu zituzten eta hurrengo urterako kanpainak berak zuzendu zituen. 1800en, Italiako armada Napoleonen bizkar gainean geratuta, Michael Melas jenerala buru zuen armada austriarraren kontra Marengo bataila garaitu zuen.

Alemanian, Moreau frantziar jeneralak Johann artxidukea gailendu zuen Hohenlinden batailan. Hortaz, Austriak Lunévilleko Ituna sinatu behar izan zuen, Frantziak Rhineraino lurraldeak menperatuko zituela eta Italiako eta Herbehereetako errepublikak sortu zirela onartuz. Amiensko Itunaren bidez, Frantziak eta Britainia Handiak Iraultzako Gerren eta Napoleondar Gerren arteko bakea adostu zuten.