Beisiris edo Beisirisse, antzinaroko akitaniarren jainkoa omen zen.
Berari buruzko inskripzioa Cadiac/Cadéac herrian azaldu zen, Pirinio Garaietan. Baita Commingesko Aure haranean.
Inskripzioetan Beisisris Jupiter jainko erromatarrari lotuta azaltzen zaigu, honek ematen digu jainkoaz daukagun ezaugarri bakarra.
IOM BEISIRISSE: Cadéac (65), XIII, 370[1].
I(ovi) O(ptimo) M(aximo) / Beisirisse / M(arcus) Val(erius) Pote/ns v(otum) s(olvit) l(ibens) m(erito)[2].
IOM Iupiter Optimus Maximo ohiko izendapenaren laburdura da: Jupiter Hoberena eta Handiena. Idazkun horretan Marcus Valerius Potens hiritarrak aldarea bat eskaintzen dio Jupiterri, Optimus Maximus Beisiris-i[3]. Dena den, sinkretismoa ez da batere ohikoa Pirinioetako erlijioan, eta Jupiter jainkoarekin bi adibide besterik ez dira agertu.[4]
Lokasi Pengunjung: 3.147.89.255