Baietz lehenengoan!
Irudi gehiago
Fabrikazioa
Sortzailea	Google

Baietz lehenengoan! (ingelesez, I'm Feeling Lucky edo IFL), Googleren bilatzailean, web erako interfazean eskaintzen duen botoi-erako bilaketa modua da, zeinak ez duen emaitza zerrenda bat ematen, baizik eta zuzenean bidaltzen zaituen bere indizearen araberako lehen aukerara.

Hainbat hizkuntzatan formulazio desberdina da. Euskarazkoa, ekarpen boluntarioa euskal internautena, Garikoitz Araolaza ekintzaileak proposatu zuen 21. mendearen hasiera^[1]. Baietz lehenengoan! ez da itzulpen literala, baina botoiak egiten duenaren ideia ondo transmititzen du. Inguruko erdara batzuetan zortearen ideiak (lucky ingelesez) esplizituagoa da: J'ai de la chance (frantsesez), Voy a tener suerte (gazteleraz), Segur que tinc sort (katalanez).

Bilaketa-modu horren eraginkortasunak adierazten du Googlek bere emaitzei eta haiek sailkatzeko ordenari konfiantza handia diela. Marketin keinu bat da, Googlek bere PageRank sistemaren sendotasuna erakusteko.

Marissa Mayer Googleko exekutiboak 2007an adierazi zuenez, bilaketan egindako kontsulten % 1ak baino gutxiagok erabiltzen zuen "Baietz lehengoan" modua. Portzentaia txikia izanagatik, urte berean Tom Chávez publizitateko aholkulariak kalkulatu zuen botoiaren erabikpenak urtean 110 milioi dolarreko diru-sarrerak murritzagoak ekarriko zizkiola Googleri, zeren eta emaitza-zerrendan publizitaterik erakusten ez duten klikak dira hara doazenak, eta emaitzetako publizitate aukerak ziren orduan Googleren diru sarrera nagusia.^[2]

2008an Google Chrome nabigatzailea eta geroxeago mugikorreko bilaketak areagotzearekin, 2010eko hamarkadatiik aurrera Googleren bilaketa botoiak ez dira hain errelebanteak. Bilaketak URL barratik edo zuzenean Google.com ireki gabe egiten direnez, ikusi ere gutxiago egiten da I'm feeling lucky / Baietz lehenengoan! botoia.

• Artikulu hau, osorik edo zatiren batean, frantsesezko wikipediako «J'ai de la chance» artikulutik itzulia izan da, 2022-12-12 data duen 199435068 bertsioa oinarritzat hartuta. Sartze-datarik ez duten erreferentziak, edo 2022-12-12 baino lehenago datatuak, jatorrizko artikulutik ekarri dira itzulpenarekin batera.

• Euskarazko Google bilaketa interfaze nagusia (2023-02-10ean probatua).