Asier Martínez Etxarte (Zizur Nagusia, 2000ko apirilaren 22a - ) nafar atleta da, 110 metroko hesi-lasterketetan aditua.[1] 2022ko Europak Atletismo Txapelketan urrezko domina eskuratu zuen. [2] Hori dela eta, , irailaren 14an herriko bestetako txupinazoa botatzeko eskaintza onartu zuen.
2022
110 metroko hesidunetan Europako txapelketan urrea lortu du.[3]
2021
2021ean Espainiako pista estaliko txapelduna izan zen, eta laugarren amaitu zuen 60 metroko hesi-lasterketan 2021eko Europako Atletismo Txapelketako finalean. Finalean 7''60 segundoko denbora pertsonal berri bat ezarri zuen.
2021eko maiatzaren 15ean Castelló hirian bere markarik onena zuen 110 metroko hesi-lasterketan 13''34 eginez, 2021eko Europako Atletismo Talde Txapelketako lasterketan 110 metroko hesi-lasterketa irabazi aurretik hain zuzen ere.
2021eko ekainean, lekua erdietsi zuen 2020ko Olinpiar Jokoetan parte hartzeko, Espainiako txapelketa nazionaletan bigarrena amaiturik eta eskatutako denbora lortu zuelarik.[4] Gizonezkoen 110 metro hesien lehiaketan finalean parte hartu zuen eta 6. geratu zen.
Proba honetan, final laurdenetan bere lasterketa irabazi zuen, finalerdietan egindako denboraz sailkatu (13"27), eta finalean diploma lortu zuen bere marka berriro ere hobetuz (13"22), historian Olimpiar Jokoetan horrela egin duen lehen nafarra izanik. Espainiako sub-23 lasterkarietan ere marka onena da final horretakoa.
2021ean, 2021eko Nafarroako Telebista Sarietarako izendatu zuten Kirol Baloreen kategorian.
Erreferentziak
Kanpo estekak
