Thomas Arthur Darvill (Birmingham, 1982koekainaren 17a - ) Ingalaterrako aktore bat da, Doctor Who telesailean Rory Williams pertsonaiaren rola betetzeagatik ezagutzen dena[1]. Antzerki musikaletan lan asko egindakoa da, hala aktore lanetan nola antzezlanetarako musika konposatzen.
Biografia
Antzerki hastapenak
Arthur Darvill Birminghamen jaio zen. Haren ama Ellie antzerkiko aktorea da eta Arthurrek maskara eta panpin artean pasa zuen haurtzeroa. Nigel aita musikaria da, Hammond organoa jotzen du.
10 urte zituela "Stage2 Youth Theatre Company" taldeko kidea izan zen, Tom Darvill izen artistikoaz aritu zen 2000 artean. 2001ean Fuego's Men talde propioa sortu zuen 19 urte zituela. Profesionalki Edmund WhiterenTerre Haute antzezlanean egin zuen debuta Edinburgh Festival Fringe jaialdian. 2007an Rob-en papera egin zuen Stacy monologoan eta The Times egunkariak "limurtzailea" gisa deskribatu zuen. Urte berean Swimming with Sharks antzezlanean hartu zuen parte Christian Slater, Helen Baxendale eta Matt Smithekin batera eta London Newcomer Award Sarietan izendapena jaso zuen Darvillek.
Doctor Who
2008an egin zuen debuta telebistan He Kills Coppers eta 2010an Doctor Who telesailean Rory Williams izateko aukeratu zuten, 11. doktorea Matt Smith zela. 5. denboraldian ohiko aktorea izan zen, Amy Pond-en (Karen Gillan) mutil lagun urduria zen. 6. denboraldian protagonista bihurtu zen. 2012 artean izan zen bertan. 2012an Pond Life miniseriean ere protagonista izan zen paper berean, bost atal izan zituen miniserie honek.
Ondorengo lanak
Doctor Who amaitu ondoren hainbat telesailetan aritu izan da, aipagarrienak Broadchurch, Paul Coates erreberendoa izanik[2], eta Legends of Tomorrow, Rip Hunter-ren rola betez, honetan ere denboran bidaiatzen zuen[3]. Zinemari dagokionez laburmetraiak egin ditu batez ere.
Antzerkia
Antzerkia egiteari ez dio utzi eta musikalak egin izan ditu urtero. The Globe antzokian errepresentaturiko The Frontline (2008) eta The Lightning Child (2013) antzezlanetarako musika konposatu, eta bigarren honengatik Judge's Discretionary Award saria jaso zuen[4]. 2018an Paperlands musikalen elkartea sortu zuen.
.jpg)
