Arkeologiarako Arabar Institutua
Datuak
Izen laburra	IAA eta AAI
Mota	ikerkuntzarako institutua
Herrialdea	Espainia
Historia
Sorrera	1957
webgune ofiziala

Arkeologiarako Arabar Institutua, (gaztelaniaz Instituto Alavés de Arqueología dena, eta bere siglak IAA-AAI dituenak), Arabako historiaurrea eta lehen mendetako historia aztertzen duen ikerketa eta hedapen arkeologikorako zentroa da. 1957an hasi zen Arabako Foru Aldundiko Kultura Kontseiluan, eta 1978an hartu zuen izen berria. Irabazi asmorik gabeko kultur elkarteen araubidearen barruan antolatu zen. Ondoren, Eusko Jaurlaritzak onura publikokotzat jo zuen^[1].

Estudios de Arqueología Alavesa aldizkari zientifikoa argitaratzen du^[2] eta Arabako aztarnategi arkeologikoen informazioa biltzen duen Arabako Karta Arkeologikoa^{[oh 1]} ere idazten du.

2014tik aurrera, Arkeologiarako Arabar Institutuak sari bat ematen du Enrique Egurenen lana gogora ekartzeko eta Arabako arkeologian ikerketak egin dituzten profesionalak saritzeko bi urtean behin. 2023 arte saritutakoak, Javier Fernández Eraso, Andoni Sáenz de Buruaga, Armando Llanos Landaluze, Paquita Sáenz de Urturi eta Nieves Urrutia Agorreta izan dira^[3].

1. ↑ Lurralde jakin bateko karta arkeologikoak, lurralde horretan aurkitu diren aztarnategien katalogo zehatza da, ikertuak izan diren ala ez. Oso garrantzitsuak dira etorkizuneko ikerketak planifikatzeko eta guneak babesteko.

• Inskripzioa eta estatutuak Eusko Jaurlaritzako elkarte-erregistroan