Ariane Mnouchkine (Boulogne-sur-Seine, Frantzia, 1939ko martxoaren 3a) frantses antzerki eta zinema zuzendaria da.
Biografia
Ariane Mnouchkine Alexandre Mnouchkine errusiar Zinema ekoizlearen eta June Hannen alaba da. Ariane izena, era berean, bere aitak sorturiko ekoizpen konpainiaren izena da, "Ariane Films" hain zuzen.
Mnouchkinek psikologia ikasi zuen Ingalaterrako unibertsitatean, bere sustrai zen antzerkira itzuli aurretik. Bere ikasketak L'École Internationale de Théâtre Jacques Lecoq eskolan jarraitu zituen, non 1964an Théâtre du Soleil (Eguzkiaren Antzerkia) sortu zuen bere ikasle batzuekin. Antzerki kolektiboak gaurdino jarraitzen du tokiko eta munduko kulturen kritika sozial eta politikoa egiten. Théâtre du Soleilen ekoizpenak maiz gimnasio edota ukuiluetan interprtetatzen dira, Mnouchkinek ez baitu gogoko antzezpena ohiko eszenatokiarekin murriztua egotea. Era berean, antzerkia ezin dela "laugarren horma"-ra mugatu uste du. Hala, ikusleak Mnouchkinen ekoizpen bat ikustera sartzean, askotan aktoreak prestatzen (makilatuz, mozorroak prestatzen) aurkitzen dituzte beren begien aurrean.
Théâtre du Soleilen buru zela, ikuslearekin harreman berria bilatzen duten lanak osatu zituen: Arnold Weskerren La Cuisine (1967, 1789, 1970, 1793, 1972), L'Âge d'or (1975).
1980ko hamarraldian, ekialdeko tradizioetara jo zuen. Zineman, Molière ou la Vie d'un honnête homme (1977) lana egin zuen. Desberdintasun sozialen biktimen, artista esetsien eta politika kulturalek arriskuan utzi dituzten taldeen alde lan egin du batez ere.
Erreferentziak
