André Giraud (Bordele, 1925eko apirilaren 3a - Levallois-Perret, 1997ko uztailaren 27a) frantziar politikaria izan zen. Frantziako Petrolioaren Institutuan (Industria Ministerioa) aritu zen urte askoan (1951-1964), eta segidan Erregaien zuzendaritzan (1964-1969). 1970etik 1978ra Energia Atomikoaren Batzordeko (CEA) administratzaile nagusi izan zen. Industriako ministro izendatu zuten 1978an, eta Frantziako programa nuklearraren bultzatzaile izan zen. Irakaskuntzan jardun ondoren, 1986an itzuli zen politikagintzara (Defentsa Ministeriora). Gaullista sutsua zen, eta Frantziaren independentzia (ekonomikoa, militarra, energetikoa) izan zuen beti jomuga.
Erreferentziak
.jpg)
