Jasokundeko Andre Maria eliza
Jasokundeko elizaren irudia. Irudi gehiago
Kokapena
Herrialdea	Euskal Herria
Probintzia	Nafarroa Garaia
Udalerria	Zugarramurdi
Koordenatuak	43°16′09″N 1°32′28″W / 43.26907°N 1.54108°W / 43.26907; -1.54108
Historia eta erabilera
Irekiera	1781
Arkitektura
Estiloa	Arkitektura neoklasikoa
Ondarea

Jasokundeko Andre Maria eliza erlijio-eraikin neoklasikoa da, Nafarroa Garaiko Zugarramurdi herrian dagoena.

Herrigunean dago, altura txiki batean, Basaburua kalean.

1580ean Zugarramurdiko lehenbiziko eliza eraiki zen, gaur egungo eliza dagoen orube beran, ordurarte zugarramurditarrak meza entzun nahi izan ezkero Urdazubiko monasteriora joatera derrigorturik baizeuden^[1].

Gaur egungo eliza 1781-1784 artean Jose Poudez arkitektoak eraiki zuen, Juan Bautista Dutari eta Joaquina Bordaren laguntzaz. 1793an Frantziako Konbentzio Gerra garaian Frantziar Armadak zati handi batean suntsitu zuen, hortaz XIX. mendean zehar berreraiki eta barne altzari berriez bete zen.

Latindar gurutzeko oinplanoa eta hiru atal, gurutzadura bat eta buru zuenak dituen nabe bakarra du, bai eta gurutzedurako gangak ere.

1876ko Florentino Izturitzek eginiriko erretaula bat du. Barneko urre-piezak berriz, XIX. mendearen hasierakoak dira, batzuk Pedro Antonio Sasak eginak^[2]

Kanpoalde luzitutako hormak ditu, eta izkinarriak nahiz eraikinaren hainbat atal, tartean kontrahormak, Baztango ohiko harri gorrizko harlanduz eginak daude.