Andra Maria basilika Portugaleten kokaturiko basilika kristaua da, estilo gotiko-pizkundetarra duena. Alde Zaharra auzoan dago.
Tenplu xeheago baten gainean eraiki zen, 1322an Maria Diaz Harokoa Bizkaiko andere zenaren hiri-agirian jasotako agindua betetzen.
Basilika-oinplano du eta hiru zintzilikariozko absidea. Barruan gurutzeria-ganga eta kanpoan kontrahormez lotutako arbotanteak ditu.
Ate biak pizkundetarrak dira. Egungo kanpandorrea ez da jatorrizkoa Hirugarren Gerra Karlistan txikitu zutelako.
Barruan erretaula nagusia (1533-1550) eta Andre Mariaren XIV. mendeko zurezko estatua ditu.
Basilikako organoa 1903an Didier frantses egileak egin zuen. Bilboko Donejakue katedralekoarekin batera, Bizkaiko onena da.
Basilika titulua 1950ean Pio XII.ak eman zion.
Argazki galeria
Kanpo estekak
